板神居酒屋 (銀八)

營業中

休息中

今日約咗朋友嚟呢間新開嘅餐廳，因為佢個激安餐牌好平，諗住試吓，點知極為失望。佢哋嘅服務有啲差，做生意手法亦都唔老實。首先，一去到舖頭嘅時候，諗住問有冇得坐窗邊位（我自己都有book位），然後餐廳經理講話啲窗邊位全部俾人book晒，又或者你要嗌一個再貴啲嘅餐牌先可以比邊位你坐，但去到最後發覺啲位置根本就冇人坐嘅。佢咁樣對啲客真係令人好失望。第二，餐牌講龍蝦係一隻，但其實只不過係半隻，份量亦都好少，甚至喺個龍蝦湯上面都只係見到得半個頭，同相片係好有出入，亦都唔係餐牌講嘅一隻龍蝦。第三，我喺鋪頭度，拎到一張宣傳單張係送鮑魚，但店員同我講話今次不適用，叫我下次先可以再用，但就完全冇講理由。埋單嘅時候亦都冇同我講，個宣傳單張可以下次再用。最後，食物質素嚟講其實係不過不失，擺盤亦都唔錯，但好可惜服務態度，同以上講嘅嘢都唔合格，令到自己亦都唔會再嚟呢間餐廳。本身諗住佢掛住板神呢個招牌會有驚喜，但可惜的人極度失望。