影片
更多
2023-11-16
19 瀏覽
今日係好閨蜜嘅生日，小編自掏腰包請佢食大餐，揀選嘅來自於銅鑼灣嘅廚師發辦（因為朋友喺灣仔收工）👍🏻茶碗蒸魚籽粒粒爆汁，蒸蛋好滑，更加有白果、蟹肉、冬菇、瘦肉等等蘊藏於當中，鮮味爆棚。👍🏻刺身二品第一品甜蝦他他，面頭灑上岩鹽同柚子皮，以魚籽點綴，入口黏身甜美，搭配鱈魚皮更加香口，味道多一份薄脆感；深海池魚加上自家調配嘅黑松露配汁，入口嫩爽；劍魚腩白裏透紅，加上烏魚籽碎都幾夾味👍🏻和食香煎油甘魚份外滋香，加上日本青椒同龍珠果嘅配搭👍🏻握之五貫梳子魚、鯖魚、左口魚邊、黑鯥、中拖羅。特別喜歡廚師調味嘅配搭，鯖魚加上青蘋果薑蓉減輕左魚香；黑鯥沾上柚子胡椒，特別肥美濃郁；中拖羅粉嫩，口感軟柔；左口魚邊油脂感重，放在最後品嚐實在係最佳配搭。👍🏻雲丹海膽嘅日文叫法是Uni，譯成漢字就係雲丹，來自北海道嘅海膽，色澤橘黃色，入口甜美而且入口即溶。👍🏻蝦夷盤鮑清酒蒸鮑魚份外鮮甜，咬落不失嚼頭。👍🏻和牛卷炙和牛經過火炙後逼出油分，紫菜脆身加上海膽更為豐潤。👍🏻吸物麵豉湯比起一般嘅大碗，飲落暖笠笠，而且裏面蘊藏住魚肉、蜆肉、更加添海鮮嘅鮮味
今日係好閨蜜嘅生日，小編自掏腰包請佢食大餐，揀選嘅來自於銅鑼灣嘅廚師發辦（因為朋友喺灣仔收工）
👍🏻茶碗蒸
魚籽粒粒爆汁，蒸蛋好滑，更加有白果、蟹肉、冬菇、瘦肉等等蘊藏於當中，鮮味爆棚。
👍🏻刺身二品
第一品甜蝦他他，面頭灑上岩鹽同柚子皮，以魚籽點綴，入口黏身甜美，搭配鱈魚皮更加香口，味道多一份薄脆感；深海池魚加上自家調配嘅黑松露配汁，入口嫩爽；劍魚腩白裏透紅，加上烏魚籽碎都幾夾味
👍🏻和食
香煎油甘魚份外滋香，加上日本青椒同龍珠果嘅配搭
👍🏻握之五貫
梳子魚、鯖魚、左口魚邊、黑鯥、中拖羅。特別喜歡廚師調味嘅配搭，鯖魚加上青蘋果薑蓉減輕左魚香；黑鯥沾上柚子胡椒，特別肥美濃郁；中拖羅粉嫩，口感軟柔；左口魚邊油脂感重，放在最後品嚐實在係最佳配搭。
👍🏻雲丹
海膽嘅日文叫法是Uni，譯成漢字就係雲丹，來自北海道嘅海膽，色澤橘黃色，入口甜美而且入口即溶。
👍🏻蝦夷盤鮑
清酒蒸鮑魚份外鮮甜，咬落不失嚼頭。
👍🏻和牛卷炙
和牛經過火炙後逼出油分，紫菜脆身加上海膽更為豐潤。
👍🏻吸物
麵豉湯比起一般嘅大碗，飲落暖笠笠，而且裏面蘊藏住魚肉、蜆肉、更加添海鮮嘅鮮味
張貼
