影片
更多
2025-04-27
0 瀏覽
最近去咗一間入選米芝連指南嘅鐵板燒餐廳餐廳嘅環境同佈置都好有格調🥰牆身放置咗唔同款式嘅🍸酒杯可以一邊享用美食一邊觀賞半圓形嘅吧枱設計可以近距離觀看師傅嘅手藝每款食材嘅用料都上乘高質👍🏼加埋師傅純熟嘅廚藝 令到烹調出嚟嘅菜式都好美味鐘意食鐵板燒嘅朋友一定要嚟試吓😎Kappo Teppanyaki Lunch Sets $480/位🔸自家製日式沙律沙律菜好新鮮，加上粟米同埋車厘茄做配料，再以自家製嘅芒果醬汁撈勻，食落清新又開胃。🔸鐵板蒸蛋用鐵板嚟蒸蛋，相當特別，食落口感滑溜，蛋味香濃，再加上蟹肉汁同飛魚子喺面，更顯鮮味。🔸北海道帶子賣相非常精緻，食材嘅配搭都好有心思。以北海道產嘅翠肉瓜鋪喺底，上面放上香煎完嘅北海道帶子，帶子外層有香脆嘅脆米絲包住，再喺面加上三文魚籽同料蛋醬，食落口感好有層次，帶子肉質厚實彈牙，鮮味十足。🔸香煎銀鱈魚師傅將銀鱈魚拆開皮肉烹調，魚皮煎到金黃香脆，魚肉肉質嫩滑細膩，魚味鮮甜，配埋特製嘅牛油醬汁同自家製紫菜，食落非常可口。🔸A4宮崎和牛薄燒A4和牛色澤鮮艷亮麗，油脂分布好平均。燒完之後口感入口即溶，油脂感豐富，牛味好香濃，點埋蛋黃食口感面滑溜。配菜有冬菇、小松茶同
餐廳嘅環境同佈置都好有格調🥰
牆身放置咗唔同款式嘅🍸酒杯
可以一邊享用美食一邊觀賞
半圓形嘅吧枱設計可以近距離觀看師傅嘅手藝
每款食材嘅用料都上乘高質👍🏼
加埋師傅純熟嘅廚藝 令到烹調出嚟嘅菜式都好美味
鐘意食鐵板燒嘅朋友一定要嚟試吓😎
Kappo Teppanyaki Lunch Sets $480/位
🔸自家製日式沙律
沙律菜好新鮮，加上粟米同埋車厘茄做配料，再以自家製嘅芒果醬汁撈勻，食落清新又開胃。
🔸鐵板蒸蛋
用鐵板嚟蒸蛋，相當特別，食落口感滑溜，蛋味香濃，再加上蟹肉汁同飛魚子喺面，更顯鮮味。
🔸北海道帶子
賣相非常精緻，食材嘅配搭都好有心思。以北海道產嘅翠肉瓜鋪喺底，上面放上香煎完嘅北海道帶子，帶子外層有香脆嘅脆米絲包住，再喺面加上三文魚籽同料蛋醬，食落口感好有層次，帶子肉質厚實彈牙，鮮味十足。
🔸香煎銀鱈魚
師傅將銀鱈魚拆開皮肉烹調，魚皮煎到金黃香脆，魚肉肉質嫩滑細膩，魚味鮮甜，配埋特製嘅牛油醬汁同自家製紫菜，食落非常可口。
🔸A4宮崎和牛薄燒
A4和牛色澤鮮艷亮麗，油脂分布好平均。燒完之後口感入口即溶，油脂感豐富，牛味好香濃，點埋蛋黃食口感面滑溜。配菜有冬菇、小松茶同豆腐，同樣好美味。
🔸Signature 煎茶
煎茶茶色呈翡翠般嘅淡綠色，飲落茶味甘甜，令人回味無窮。
🔸鐵板炒飯
加上雞蛋、香蔥同香蒜去炒，米粒炒到粒粒分明，食落好有鑊氣，蒜味好香，呢個炒飯看似簡單卻非常美味。
🔸味噌湯
飲落好濃味噌香味，鹹度啱啱好。
🔸甜品
今日嘅甜品係海鹽焦糖雪糕，為呢餐美味嘅鐵板燒畫上圓滿嘅句號。
張貼
