影片
更多
2024-09-17
80 瀏覽
今日家姐帶左我去九龍城食海鮮，平時喺九龍城食泰國嘢就食得多，海鮮真係第一次！喺門口已經見到好吸睛嘅招牌，有一隻大龍蝦🦞同一隻大蟹🦀公仔襯托，門前仲有啲蒸鍋嘅蓋做裝飾。呢間蒸海鮮係以套餐形式再追加為主，我哋叫咗$419套餐，入面已經包括咗9款海鮮+一個蔬菜籃+粥底，另外我哋仲叫咗一揸健康飲品。海鮮分咗兩輪上枱：🍴 海鮮1 ：野生奄仔蟹+太平洋饅頭蟹+澳洲青年龍蝦 🍴兩種蟹肉都超級鮮甜多膏，奄仔蟹肉質比較爽口，饅頭蟹有少少入口即溶嘅感覺；而蟹膏嘅味道方面，饅頭蟹就比較濃郁，整體嚟講，兩隻蟹都好好食。澳洲青年龍蝦好新鮮好新鮮好新鮮，要講三次，因為我真係見到佢啲肉嘅神經仲喺度彈吓彈吓，我哋嗰隻龍蝦蝦膏就唔係好多，但係勝在肉質有口感又鮮甜。🍴 海鮮2 ：台灣九孔鮑魚+大西洋野生青口+加拿大野生海虎蝦+韓國釜山珍珠蠔+蟹黃大元貝+蟶子 🍴鮑魚蒸得啱啱好，肉質爽口彈牙又煙韌，又唔會腥，清蒸保留咗佢嘅鮮甜味道，比起平時落咗陳皮蒸更能夠試到佢本身嘅味道；青口同珍珠蠔兩款都唔算大粒，小小的一隻，但係出奇地鮮甜，加上少少海水嘅味道，成為咗天然嘅調味料，鹹鹹地提升佢嘅味道。海虎蝦大大隻，望落去好新鮮，咁啱我哋
喺門口已經見到好吸睛嘅招牌，有一隻大龍蝦🦞同一隻大蟹🦀公仔襯托，門前仲有啲蒸鍋嘅蓋做裝飾。
呢間蒸海鮮係以套餐形式再追加為主，我哋叫咗$419套餐，入面已經包括咗9款海鮮+一個蔬菜籃+粥底，另外我哋仲叫咗一揸健康飲品。
海鮮分咗兩輪上枱：
🍴 海鮮1 ：野生奄仔蟹+太平洋饅頭蟹+澳洲青年龍蝦 🍴
兩種蟹肉都超級鮮甜多膏，奄仔蟹肉質比較爽口，饅頭蟹有少少入口即溶嘅感覺；而蟹膏嘅味道方面，饅頭蟹就比較濃郁，整體嚟講，兩隻蟹都好好食。
澳洲青年龍蝦好新鮮好新鮮好新鮮，要講三次，因為我真係見到佢啲肉嘅神經仲喺度彈吓彈吓，我哋嗰隻龍蝦蝦膏就唔係好多，但係勝在肉質有口感又鮮甜。
🍴 海鮮2 ：台灣九孔鮑魚+大西洋野生青口+加拿大野生海虎蝦+韓國釜山珍珠蠔+蟹黃大元貝+蟶子 🍴
鮑魚蒸得啱啱好，肉質爽口彈牙又煙韌，又唔會腥，清蒸保留咗佢嘅鮮甜味道，比起平時落咗陳皮蒸更能夠試到佢本身嘅味道；青口同珍珠蠔兩款都唔算大粒，小小的一隻，但係出奇地鮮甜，加上少少海水嘅味道，成為咗天然嘅調味料，鹹鹹地提升佢嘅味道。
海虎蝦大大隻，望落去好新鮮，咁啱我哋兩隻蝦都無膏，但係肉質都好爽口彈牙；蟶子都比想像中大隻，味道十分清甜；大元貝隻元貝真係好大隻，平時唔鍾意食橙色嗰一嚿，都覺得佢完全無腥味，另外加上廚師自己炒嘅蟹黃醬，出面食唔到㗎！！！
有機蔬菜籃
食完咁多海鮮食返啲蔬菜真係唔錯，無加調味料清蒸，保留咗蔬菜嘅鮮甜味，值得一讚粟米超級清甜。
粥底火鍋
一開始嘅時候已經加定粥底喺下面，除咗米之外仲放咗粟米芋頭同豬骨，我哋個粥煮得比較稀，有少少似潮州粥，如果鍾意嘅話可以煮耐啲，咁就會綿啲稠啲啦！！如果相約多啲人一齊去，海鮮汁就會更多更甜！！
呢間餐廳真係完全表現出「食海鮮最緊要新鮮」呢種講法，新鮮嘅海鮮係唔需要一滴調味已經好好食！！！
張貼
