影片
更多
2021-10-09
127 瀏覽
人生第一次試高級廚師發板今次揀咗中價1680一位晚餐，一坐低冇幾耐已經有三款前菜奉上。分別有日本甜番薯，自家製嘅豆腐，八爪魚。另外有三款漬物，牛蒡，黃蘿蔔，辣味蒜頭。開始七款刺身，先有剝皮魚，加左魚肝醬，入口幼滑。之後就有鰤魚，爽口鮮甜。北海道真蠔，加左柚子醋啫喱，脹卜卜，實在creamy到覺得好幸福呀。之後再嚟一款叫間八魚，魚香味濃。跟住再有秋刀魚刺身，擺盤一流，第一次食秋刀魚刺身，令我好驚喜，完美停留口腔，魚油肥美。到青森嘅吞拿魚，師傅輕輕燒過四邊，再放上紫洋蔥酸汁，清新無比。中拖羅加上竹炭鹽，自家醬油，又一新嘗試。之後到左吞拿魚嘅額頭，師傅燒完之後用紫菜包住食，完全爆油，入口即溶，可能燒過關係，迫晒所有魚油出嚟，真係令人難忘。回味下再奉上一款hot dish, 第一次食立鱗燒，將魚鱗燒到脆卜卜，魚身幼滑。師傅突然遞上一粒青綠色嘅啫喱，原來可以refresh一下口腔繼續迎接之後嘅壽司。即將開始壽司部分。印象難忘嘅係石垣貝，爽脆鮮甜。北海道馬糞海膽真係無可挑剔。中拖好細心挑晒筋真係滑入喉嚨。好快就已經完成壽司部分，唔好睇少每樣少少，其實已經好飽，之後就到左熱湯，再有甜品，烏豆綠茶奶凍
今次揀咗中價1680一位晚餐，一坐低冇幾耐已經有三款前菜奉上。
分別有日本甜番薯，自家製嘅豆腐，八爪魚。另外有三款漬物，牛蒡，黃蘿蔔，辣味蒜頭。
開始七款刺身，先有剝皮魚，加左魚肝醬，入口幼滑。之後就有鰤魚，爽口鮮甜。北海道真蠔，加左柚子醋啫喱，脹卜卜，實在creamy到覺得好幸福呀。之後再嚟一款叫間八魚，魚香味濃。跟住再有秋刀魚刺身，擺盤一流，第一次食秋刀魚刺身，令我好驚喜，完美停留口腔，魚油肥美。到青森嘅吞拿魚，師傅輕輕燒過四邊，再放上紫洋蔥酸汁，清新無比。中拖羅加上竹炭鹽，自家醬油，又一新嘗試。之後到左吞拿魚嘅額頭，師傅燒完之後用紫菜包住食，完全爆油，入口即溶，可能燒過關係，迫晒所有魚油出嚟，真係令人難忘。
回味下再奉上一款hot dish, 第一次食立鱗燒，將魚鱗燒到脆卜卜，魚身幼滑。師傅突然遞上一粒青綠色嘅啫喱，原來可以refresh一下口腔繼續迎接之後嘅壽司。
即將開始壽司部分。印象難忘嘅係石垣貝，爽脆鮮甜。北海道馬糞海膽真係無可挑剔。中拖好細心挑晒筋真係滑入喉嚨。
好快就已經完成壽司部分，唔好睇少每樣少少，其實已經好飽，之後就到左熱湯，再有甜品，烏豆綠茶奶凍作為完結。
整體嚟講真係好滿足，師傅細心嘅介紹，另外服務一流，奉茶小妹妹細心有禮，雖然價錢就貴左少少不過都係物有所值。
張貼
