影片
更多
2022-11-22
264 瀏覽
聽聞呢間係香港港島區高質車仔麵小店之一！每次經過都見到排長龍, 所以趁住平日夜晚應該冇咁多人嘅時候嚟試吓 (我哋6:30pm去到已經要排隊, 不過等咗大概10分鐘就可以入去)！想知道點解佢哋嘅人氣可以一直保持咁高！主打車仔麵, 麵條可以揀油麵/ 幼麵/ 粗麵/ 河粉/ 米粉/ 米線/ 伊麵/ 公仔麵, 食材嘅選擇都幾多, 湯底可以揀清湯, 或者加腩汁、麻辣汁、咖喱辣汁。鍾意食辣嘅我會建議加自家秘製麻辣醬汁, 麻得好過癮, 幾惹味的~車仔麵湯底好夠濃, 入口有淡淡滷水味, 我揀咗粗麵, 麵條軟硬適中, 充份吸收晒腩汁同麻辣味。推介冬菇同白蘿蔔, 滷得好入味, 冬菇嘅菇味好濃, 白蘿蔔炆得好腍, 好索湯, 味道清甜濃郁。配埋杯凍豆漿, 好滿足嘅一餐呢！
主打車仔麵, 麵條可以揀油麵/ 幼麵/ 粗麵/ 河粉/ 米粉/ 米線/ 伊麵/ 公仔麵, 食材嘅選擇都幾多, 湯底可以揀清湯, 或者加腩汁、麻辣汁、咖喱辣汁。鍾意食辣嘅我會建議加自家秘製麻辣醬汁, 麻得好過癮, 幾惹味的~
車仔麵湯底好夠濃, 入口有淡淡滷水味, 我揀咗粗麵, 麵條軟硬適中, 充份吸收晒腩汁同麻辣味。推介冬菇同白蘿蔔, 滷得好入味, 冬菇嘅菇味好濃, 白蘿蔔炆得好腍, 好索湯, 味道清甜濃郁。配埋杯凍豆漿, 好滿足嘅一餐呢！
張貼
