Outdark (飛達商業中心)

營業中

休息中

韓國釜山過江龍人氣炸雞店，經常full house要排隊等位，不過味道證明佢係值得排隊嘅。炸雞 - Signature dish，叫左甜辣同原味炸雞各半份。即叫即炸，炸粉厚薄適中，外層好脆，內裡雞肉嫩滑多汁，唔重油膩感。配菜嘅薯角一樣出色！串串魚糕湯 - 韓國街頭特色菜式～梗係要感受下。魚糕、蘿蔔、獅子狗、年糕、青口、韓式粉絲等，相當足料。配上清甜高湯，相當暖胃。烤牛肉海苔飯卷 - 飯卷中間包住香甜韓式烤牛肉，配料有蘿蔔絲/青瓜/生菜，加上少少沙律醬，口感好豐富。海鮮煎餅 - 用料非常豐富，有蝦、八爪魚、蘿蔔絲、洋蔥、大蔥等，一啲都唔吝嗇，煎到微微脆口。