Outdark (飛達商業中心)

營業中

休息中

最近和朋友去了一間位於旺角區的OUTDUCK餐廳試試看整體以韓式主菜及小吃為主題餐廳嘅裝修都係比較昏暗，感覺非常之有格調餐牌都有各式各樣嘅菜式而我哋今次就試返啲相對比較傳統嘅項目我們點了串串魚糕湯、牛肉水冷麵、芒果梳打和莫希托梳打四道菜牛肉水冷麵則是主食選擇,牛肉嫩滑多汁,水冷麵非常之有口感,加上超級冰凍，喺夏天嘅日子食真係超級無敵爽，吃起來分外順口另外佢仲會有一啲嘅調味醬同埋鉸剪俾我哋方便去食呢個水冷麵非常之細心串串魚糕湯,湯頭鮮美略帶些許鹹味,裡頭的魚糕非常之軟綿綿,每一口都十分滿足至於兩款果梳打,芒果的清新口感很吸引人,清新爽脆;莫希托口感濃郁些,兩者都是不錯的選擇。整體來說,OUTDUCK以實惠的價格提供高品質的小吃美食,環境也十分舒適。四道菜的口味均衡搭配,分量也足夠飽腹最可愛嘅，就係佢哋而家會有部熱能感應嘅影相機食完嘢之後可以同朋友影返張相喺度留念有好多唔同嘅主題簡直令成個用餐體驗大大提升

Outdark 來自韓國釜山的炸雞品牌 , 香港 成為韓國以外首間海外分店, 招牌韓式炸 雞, 芝士肋骨鍋及海鮮煎餅 , 深受粉絲愛戴 , 店內有鐵網裏掛上情侶鎖 , 加上精緻 的星星吊燈, 充滿浪漫情調 , 打卡一流。 海鮮煎蔥餅 外層金黃酥脆的海鮮煎餅 , 裡面包滿彈牙的鮮蝦及八爪魚粒餡料 , 每一口鮮味十足 ,配上香蔥 , 口感層次豐富, 份外惹味。原味炸雞剛剛炸起的炸雞, 外皮炸到金黃香脆, 誘人的香氣撲鼻而來 , 雞肉鮮嫩鬆軟 , 充滿肉汁，沒有油膩感， 還有熱燙香脆的粗身薯條及薯角跟配，滋味得讓人一口接一口。五花肉水冷麵 冰涼的冷麵引人食慾，湯中有青瓜絲及鵪鶉蛋，水冷麵彈牙、輕盈，搭配清新開胃 , 跟配的五花肉 , 肥瘦相間, 十分軟嫩 , 沒有油膩感 , 調味清淡恰到好處 , 酸酸的口感 , 十分開胃, 炎炎夏日二不之選。炸蝦飯卷外層的紫菜捲上香脆的炸蝦, 白米飯及爽脆紅蘿蔔絲 , 交織在一起 , 口感變得豐富 , 再沾上適量酸甜的醬汁 , 滋味搭配。

呢間嘅炸雞一直係小編最愛，今日又去咗食，同大家分享吓🫶🏻🐔半份炸雞 ($138)炸雞喺outdark係必叫菜式😍小編得兩個人食唔晒，所以只係叫咗半份，但係上到嚟都係好大份😂我哋揀咗香蒜蜜糖味，除咗外脆內軟嘅炸雞，仲有加咗佢哋自製嘅調味粉嘅炸薯塊同薯條🍟另外我哋加咗腸仔年糕串 ($38)，腸仔同年糕表面都燒得好脆，配上略甜嘅醬汁，煙韌嘅口感，越咬越香🤣🍢串串魚糕湯 ($228)一樣好足料，同埋好有韓式風味，裏面有雜錦魚糕、粉絲、青口、魷魚、蘿蔔、木耳、菇類同皇帝菜，除咗軟熟煙韌嘅魚糕，超級入味嘅蘿蔔都好好食🥰🍑Ice Peach ($48)飲落好清爽嘅蜜桃梳打，配炸雞好解膩😋🍹Outdark Rita—Blue Curacao ($88)呢個一樣係每次嚟一定會嗌嘅飲品，小編揀咗corona beer，份量真係超大超抵😍可以飲成晚!!餐廳嘅燈光偏暗，有好似星星咁嘅燈飾，好有氣氛😚座位都寛敞舒服，而且菜品選擇好多，聽員工介紹話都係由韓國廚師自家製作，餐廳喺旺角同尖沙咀都有分店，不過都超高人氣，所以如果想食就記住要book定位啦，好推介情侶嚟打卡，門口仲有free photo box🫶🏻味道

約咗BFF食飯梗係要揀返佢最鍾意食嘅韓國野，我地今次揀咗超人氣嘅「Outdark」，由正宗韓國人主理，連店員都係Oppa黎架😆餐廳門口仲有部免費影相機，喺等位嘅期間可以同閨蜜影返張相👍🏻香蒜蜜糖炸雞必食嘅炸雞😋每份炸雞都包括炸薯條、薯角同芝士薯格，每塊無骨雞件皮脆肉嫩，裹滿香甜嘅蜜糖，入口勁香嘅蒜蓉味，啖啖肉再配上脆卜卜嘅薯條、薯角同薯格，真係食唔停口😆串串魚糕湯食韓國嘢又點少得魚糕湯呢😋店員會整煲上枱加熱，材料勁豐富，有魚糕、魚餅、獅子狗、魚片、魷魚、鵪鶉蛋、粉條、蘿蔔、皇帝菜、青口等，湯底清甜，足夠二至三人分享👍🏻蘿蔔又腍又甜，魚片煙靭彈牙，我地連湯都飲晒😆烤牛肉飯卷紫菜飯卷包住烤牛肉、紅蘿蔔絲、脆蘿蔔、青瓜、雞蛋同生菜，烤牛肉帶咸甜味道配上清爽嘅蔬菜口感更為豐富炭豚炒粉絲炒粉絲加入各種嘅青椒、紅椒、黃椒、洋蔥同木耳，豚肉軟腍配搭各式各樣嘅蔬菜令味道更加豐富，粉絲係幼身嗰種，食落會較為滑身同入味蜜桃梳打蜜桃汁加入梳打水飲落更加清爽，裏面加入咗粒粒啫喱提升口感COOLPIS Peach韓國蜜桃汁比較甜口，桃味香濃📍Outdark (飛達商業中心) (旺角)旺角彌敦道613號飛達商業中

Outdark成日都有好多人講，但其實我一次都未食過🤣今次終於有機會同朋友試吓~餐廳環境燈光主要昏暗，入座嘅時候店員都好helpful，都有推薦唔同嘅菜式俾我哋😆海鮮炒年糕 $328🦑🌶️年糕用韓式鐵鍋上，中間有半隻炸魷魚，底下就係年糕同其他配菜(有椰菜、蝦等等）。鍋邊都有其他配料，有芝士粟米，泡菜，紫菜飯，連埋年糕個汁一齊食都唔錯。店員都用gas爐幫我哋warm住個爐，食到最後都仲係熱嘅，唯一可惜嘅係温度令到啲紫菜飯乾晒😂豬腳 $318 🐖上到枱係超驚訝，豬腳超級大份😂我哋三個女仔勁擔心會食淨好多，豬腳唔會太肥，而且肉質又冇煮到太老，食落唔會太油膩，加上炒雜菜喺底，更加可以解到膩。海鮮蔥煎餅 $138🦐🦑煎餅入面嘅餡好足料，海鮮主要有蝦同魷魚，再配埋滿滿嘅韭菜同蔥口感滿分~煎餅本身已經切開咗，加埋都有12塊，食到最尾都已經唔係好食得落🤣整體嚟講餐廳菜式份量都偏大，2/3個人嚟食都未必食到好多款，比較適合一大班人聚會多啲😊

Food was decent, however there was a long queue and I had to wait for a while to get a table. The moment I sat down the server told me the time limit to dine was 120 mins. After not even finishing my food the server has told me with an attitude that my time is up. So after me and my friends are finishing up we were about to leave and the server once again reminded us with a harsh stare that we should leave- this is absolutely unacceptable in customer service. I am very disappointed in the servic

食尖沙咀食過宜家旺角都有得食啦好適合情侶或者帶對象去既韓劇浪漫氣氛餐廳即刻加分，裝飾同尖沙咀店差唔多保持左風格，建議訂位，因為真係好受歡迎放工8點去都好多人拎飛排隊，而且食完都仲係高朋滿座好熱鬧。串串魚糕湯 $228去到好可惜豬手賣哂 ，因為晚市先有，唯有叫另一樣主食，魚糕湯一樣好出色比較貼近韓國味道飲左啖湯喉嚨feel 到有微微地辣好對味。有好多款魚糕仲有水芹菜送住食 ，好食到成鍋湯飲到底。烤牛肉紫菜飯卷 $98結合了牛肉的香氣和紫菜的爽脆，搭配蔬菜和白飯，口感豐富。香腸年糕串 $38炸過既年糕好好食煙韌得黎有種焦脆感，加埋香腸唔會話好單一同埋無就咁食炸野個種罪惡感。香蒜蜜糖炸雞（半份）$138食韓國野點小得炸雞，佢既炸雞有幾種口味，而佢唔會剩係炸雞仲會有薯條同薯格做配料士多啤梨乳酪 $48呢杯正 味道似足士多啤梨奶昔，滿足到想飲奶昔但怕肥既人。西柚梳打 $48跟塊西柚上岩哂打卡！

最近喺旺角食咗一餐正宗嘅韓國菜，去咗Outdark，呢間餐廳係由韓國人親自煮食，Menu上所有食物都係自家製作，絕對唔係預製嘢！首先講下佢哋嘅雙拼炸雞，我叫咗原味同醬油口味，呢兩款炸雞真係不得了！原味炸雞外皮炸得好脆，肉質鮮嫩多汁，完全唔會乾唔會柴。至於醬油炸雞，醬汁入味，唔會過鹹，食完真係會令人忍唔住想再嚟一件。之後有鹽味烤豬梅頭肉，呢個係我大推嘅菜式！豬梅頭肉烤得啱啱好，外層有輕微嘅焦香味，肉質保持嫩滑，鹽味提升咗豬肉嘅鮮味，唔需要太多複雜嘅調味，已經非常出色。再加上蔬菜包，一齊包住食，口感層次更加豐富，食落去爽口又唔會覺得油膩。另外，炭豚豬肉飯卷都係唔錯嘅選擇，豬肉同飯嘅比例非常平衡，每一啖都可以食到豬肉嘅香味同飯嘅軟糯。飲品方面，我揀咗Coolpis菠蘿乳酸飲品，呢杯飲品酸酸甜甜，菠蘿味非常清新，乳酸飲品嘅滑順口感同菠蘿嘅香甜味道配合得天衣無縫，飲落去好解渴同解膩，感覺真係非常舒服。Outdark嘅環境都相當不錯，裝修有濃厚嘅韓式風情，令人一踏入去就感受到滿滿嘅韓國氣氛。最重要係，呢度嘅食物全部都係韓國人自己煮，仲有唔係用預製食材，呢個真係為食物質素加分。

好耐冇同朋友出嚟食飯，而我哋兩個作為一個熱愛品嘗韓國美食的人，當然要試吓依間別具特色韓式風味餐廳。芝士球🧀🥔芝士球外脆內軟的質地,加上濃郁的芝士味，讓人一試再試。半份醬油炸雞🍗酥脆可口的雞皮配上恰到好處的鹹甜醬汁,讓我一口接一口停不下來。這道經典韓式小吃無疑為整頓大餐奠定了完美的開端。芝士炒雞🧀🍗鮮嫩多汁的雞腿肉與濃郁的芝士乳酪交織在一起,搭配彈牙的年糕,以及Outdark特製的辣椒醬,為整道菜增添了韓式風味。仲有好多嘅配菜，例如飯團、泡菜和蛋, 加入咗好多唔同豐富嘅口感。青蘋果啤酒🍹酸甜的蘋果香氣與爽口的啤酒味道交織在一起,為整頓大餐增添了清新同埋解膩。這樣的搭配實在是天衣無縫。Outdark無論是道地的韓式小吃,還是創新的東西融合菜式,每一道菜品都令人難忘。下次一定會再去encore🤤🤤

今日同朋友黎旺角食飯，簡左呢間好適合傾計同有氣氛圍既韓國餐廳，餐廳外掛滿星星月亮燈，又可以打下卡～今次點左幾道韓國菜必食的：辣豆腐湯烏冬$228煲內有魷魚、蝦仁、金菇、豆腐、蛋、五花腩肉及烏冬……一上菜見到大大份熱辣辣已經好開胃，成個煲好足料，味道亦唔會太辣，怕辣既朋友都唔需要擔心海鮮蔥煎餅$138比平時出面食開既煎餅更大份，材料有海鮮及大量蔥，每啖都好滿足。煎餅外脆，食落好香口炸蝦紫菜飯卷$98平時韓國菜食牛肉飯卷多，今次試吓炸蝦紫菜飯卷，炸蝦非常香口，加埋其他韓國飯卷嘅餡料：青瓜、玉子、醃料等，非常滿足青蘋果梳打$48味道清新，青蘋果味好出，亦唔會過甜，有啲啫喱粒粒令口感更特出芒果梳打$48一黎到以為上錯左，問店員後發覺無錯，個樣同想像中唔同，以為芒果梳打一定係成杯鮮黃色，味道方面平衡做得好好，一唔覺意2啖就飲晒成杯

家庭聚會訂左8位，由安排入座到賣單全程服務都良好無問題🫶🏼🫶🏼。雖然個蒜香蜜糖炸雞拼盤上菜速度比較耐，但味道同質量係絕對值得你嘅耐心等候💪🏻💪🏻芝士雞肉鍋會有專人黎處理，雞肉又軟又嫩滑甜辣醬配芝士一流😋😋冷麵set就有少少失望，我揀左炒牛肉味道一般般，但基本上成個晚上嘅用餐體驗都好好😆😆，有個好似韓國人嘅店員全程用英文對答🧐🧐我地8個全家由70歲到20歲都食得好開心❤️❤️

旺角多野食多野揀有貴都有平, 行下睇下今晚決定食韓國野所以就揀左呢間食環境就比較暗不過算係坐得寬敞.最後點了海鮮薄餅, 炭豚肉壽司同炸雞海鮮薄餅就唔算油, 食過咁多次黎講都算乾身, 味道正常...炭豚肉壽司, 味道正常 食落去都唔會散開, 算足料既...炸雞原味其實都算正常, 加埋有薯條, 所以都會食得夠, 雖然唔係覺得好出色...反而飲品要用紙飲管, 飲左無幾耐就爛爛地, 過多一陣飲多幾啖已經飲唔到...總結黎講, 價錢算中等, 質素平平, 試一次就算了....