Outdark (飛達商業中心)

同班friend去旺角Outdark食晚餐，一入門口已經好驚喜！有部免費即影即有黑白相機，我哋即刻瘋狂自拍，留念一流！餐廳環境暗暗哋，掛滿星星燈同鐵桶枱，氣氛舒服又溫馨，勁多情侶同家庭客，傾計啱晒。▪️牛油韓式烤牛肉 (Butter Flavored Beef Bulgogi)：一上枱聞到牛油香到暈！牛肉醃得夠甜，用鐵板上熱辣辣，配埋金菇、韓式年糕一齊食，好惹味！聽講係正宗韓國人煮，味道果然唔同啲！▪️雙拼韓式炸雞 (原味+蜜糖蒜)：炸雞即叫即炸，皮脆肉嫩仲有肉汁！原味已經好得，蜜糖蒜味香甜唔漏，份量巨大，夠3-4人分享。▪️芝士條/地瓜芝士條：拉絲拉到半米高！地瓜味香甜軟糯，好有驚喜。▪️GRAPEFRUIT (Add Soju)：西柚味清新，溝埋燒酒好易入口，朋友話不知不覺飲多咗！▪️HOT PEACH LEMON TEA：蜜桃味香，飲完成個人暖笠笠，唔會太甜，唔錯。▪️芝士條好食，但食多兩條會覺得有啲滯，最好多人分享。總結：呢度食物大份又好味，環境同服務都好貼心，絕對係同閨蜜或者屋企人嚟Hea嘅好地方！會再encore！…查看更多

放工同事聚會， 去左旺角間Outdark食韓餐。餐廳環境好有特色。天花吊住好多星星、月亮造型嘅燈飾，仲有大大隻鯨魚同水母裝飾，成個氛圍好夢幻，好似置身星空底下咁。近排佢地仲有個啤酒set推廣， 好優惠禁，但聽日番工所以今次無order酒精😆。叫左個炸醬麵（Jjajang）超掛汁，黑醬鹹香又帶少少甜，入面仲有肉同蔬菜，鋪住兩粒鵪鶉蛋，黑醬濃郁，成個口感層次好豐富。跟住嗰個無骨雞，叫Two Flavours Chicken，有醬油雞同蒜蓉蜂蜜兩種味。雞肉炸到外脆內嫩，咬落仲好多汁，配埋薯條同薯格，薯格脆卜卜，薯條外脆內軟，成個組合真係絕，食到停唔到口。食雞勁開心🥳仲有個DIY飯團都幾好玩，飯有海苔碎同魚子，自己攪勻再捏成飯團，海苔香同魚子嘅鹹鮮味好夾，飯團飽滿又有嚼勁。飲品方面，藍莓乳酪飲料酸酸甜甜，乳酪味好濃，上面有忌廉，飲落好滑，甜味都啱啱好。百香果飲料都幾清新，百香果味好出。總體嚟講，呢度食物味道正，炸雞必點！種類又多，暑假仲有優惠，環境都幾有氛圍，同朋友傾計食飯好適合，下次仲會再嚟試其他嘢。…查看更多

店名：Outdark地址：旺角彌敦道613號飛達商業中心2樓今日拍拖黎開旺角，朋友推介旺角附近有間好有情調嘅韓國餐廳，一於試試佢，一黎到餐廳好有氣氛，暗暗地有情調，真係好啱情侶，一大班朋友係到吹水，聚會👏👏我哋叫咗三樣菜式1.芝士王國-芝士炒雞$328芝士炒雞冇得輸，夠兩個人食，配料又多又啱打卡，中間一半芝士一半炒雞，放喺爐上加熱，芝士半溶時，店員會過嚟幫手將芝士同雞肉攪拌，芝士配炒雞好邪惡😈，炒雞重要有少少辣，好惹味👍，旁邊仲會有蛋汁，紫菜飯，泡菜等配料混合食用，必食推薦2.碳豚飯卷 $98飯卷好正，配料多好足糙，豚肉嫩，份量足，二個人完全夠吃，每一啖入口都好滿足🤤3.炸醬麵 $118醬汁濃郁惹味，配上彈牙面條，入口好滿足，配料多，有洋蔥，肉片，青瓜，混合上黎好正😋現時Outdark 10週年抽獎活動進行中，用餐後就有抽獎機會，頭奬係來回首爾商務機票，二奬Apple AirPods Max， 三奬Apple iPad mini ，四奬Dyson 風筒及其他豐富禮物。餐廳現時還推出10週年 Special Menu，如果成為會員，更加會有額外美食，積分及現金券回贈。總價連加一 $598…查看更多

今日同閨蜜去旺角逛街，突然想食韓國嘢，跟住就去左哩間outdark。上到去見到一面照片牆，餐廳門口有一個紅色郵筒📮同可愛的rabbit大公仔，可以免費領取明信片。我寫上屋企地址同埋未來對仔仔說的話放到未來郵箱中，餐廳會在明年1月1日免費寄出，而且還會隨機送出50張優惠券，超有heart!outdark 10週年抽獎活動咁都俾我哋遇到❤️店員會提供抽獎卡，只要填上個人資料並放入抽獎箱就有機會抽到大獎了！🔹頭獎：來回首爾商務機票（2位）🔹二獎：Apple AirPods Max🔹三獎: Apple iPad mini🔹四獎：Dyson 風筒另外，呢度超好唔洗收切餅費，仲會送一張即影即有俾客人！🔸芝士炒雞身為芝士控嘅我哋又點會錯過呢款芝士炒雞！店員非常細心幫我哋處理滿滿嘅芝士，瘋狂拉絲，將芝士包住辣雞肉一齊食，超級邪惡！韓式年糕煙煙韌韌，也十分吸引。旁邊仲有紫菜飯團，烤雞蛋，腸仔做配料，基本上兩個女生吃這個已經飽了！🔸 烤牛肉紫菜飯卷滿滿的餡料，甜甜的烤牛肉配上醃蘿蔔和青瓜，清爽而不膩估唔到呢兩款梳打，一款係柚子梳打，一款係蜜桃梳打又幾好飲，幾解渴有啲蘆薈，唔會太甜，好飲！臨走我哋仲喺餐廳門口打卡，記錄低美好的晚上❤️…查看更多

✈️ Outdark 嘆韓食 抽首爾機票！✈️ Outdark 10週年抽獎活動開動❣️用餐就抽獎機會，贏取來回首爾商務機票、Apple AirPods Max、Apple iPad mini 、Dyson 風筒及餐廳美食等豐富禮物。餐廳仲推出左10週年 Special Menu，如果成為會員，更有額外美食、積分及現金券回贈。🐔 芝士炒雞 $328芝士控絕不能錯過的辣炒雞，雞腿肉配上秘製辣椒醬及香濃芝士，加上配菜爐邊蛋、泡菜、紫菜飯及迷你脆皮腸，份量慷慨，在場Oppa還會幫忙熱融芝士，是餐廳內招牌菜式。🐷 烤豬梅頭肉 (鹽味) $198🥬 蔬菜 $20用生菜包住烤得焦香可口的豬梅頭肉，加上金菇、蒜片、辣椒及包飯醬，味道豐富又滋味。🍓🫐 Fresh Yogurt (士多啤梨/藍莓味) $48/杯食辣野推薦大家飲返杯帶有果肉嘅乳酪，清新又解辣。@outdarkhk🍽 餐廳：Outdark (飛達商業中心) 🌐地址: 旺角彌敦道613號飛達商業中心2樓🐮 #cowing吃在旺角#hkigers #hkkol #foodie #hkfoodblogger #igable #旺角美食 #Outdark…查看更多