影片
更多
2022-04-18
317 瀏覽
📍麵尊 (銅鑼灣) 今次終於都黎到麵尊啦！❤️呢間車仔麵店好出名架，更加獲選過香港十大車仔麵店😼。佢地總共有兩間分店，分別位於銅鑼灣同上環。一黎到就已經見到門口有條短短既人龍，好彩唔算排太耐就入到去。店舖既裝修風格幾新穎，充滿傳統風味~ 配料同麵底都有好多款選擇，而且價錢相宜🤟，每款都係$10左右~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️蘿蔔 豬紅 豬頸肉｜幼麵 ($42)第一碗就選擇左呢3款配料同幼麵，湯底就揀左好多人都推介既咖喱辣🌟。咖喱辣湯底真心好正，出面好少可以食到呢個，佢辣辣地咁好惹味，而且好特別，必試呀!! 😍蘿蔔煮得好淋，食落係完全冇渣架，味道清甜，仲可以吸收哂湯底既精華！🐽而豬紅既份量好多，佢既質感好彈身，好有咬口，唔會有腥味。而豬頸肉就肥膩左少少，食落有啲覺得太油~ ▪️豬大腸 咖喱魚蛋 香菇貢丸｜油麵 ($44)呢碗既麵底就選擇左油麵，而湯底就揀左咖喱辣同腩汁。🤤腩汁既味道好香濃入面，再加埋咖喱辣呢個配搭我會比100分！油麵既軟硬程度剛剛好，食落口感好爽彈，而且掛汁力強。豬大腸洗得好乾淨，食落好香好肥美，口感好煙韌，😋推介豬大腸比大家！至於咖喱魚蛋同香菇貢丸就正正常常咁，冇咩特
今次終於都黎到麵尊啦！❤️呢間車仔麵店好出名架，更加獲選過香港十大車仔麵店😼。佢地總共有兩間分店，分別位於銅鑼灣同上環。一黎到就已經見到門口有條短短既人龍，好彩唔算排太耐就入到去。店舖既裝修風格幾新穎，充滿傳統風味~ 配料同麵底都有好多款選擇，而且價錢相宜🤟，每款都係$10左右~
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️蘿蔔 豬紅 豬頸肉｜幼麵 ($42)
第一碗就選擇左呢3款配料同幼麵，湯底就揀左好多人都推介既咖喱辣🌟。咖喱辣湯底真心好正，出面好少可以食到呢個，佢辣辣地咁好惹味，而且好特別，必試呀!! 😍蘿蔔煮得好淋，食落係完全冇渣架，味道清甜，仲可以吸收哂湯底既精華！🐽而豬紅既份量好多，佢既質感好彈身，好有咬口，唔會有腥味。而豬頸肉就肥膩左少少，食落有啲覺得太油~
▪️豬大腸 咖喱魚蛋 香菇貢丸｜油麵 ($44)
呢碗既麵底就選擇左油麵，而湯底就揀左咖喱辣同腩汁。🤤腩汁既味道好香濃入面，再加埋咖喱辣呢個配搭我會比100分！油麵既軟硬程度剛剛好，食落口感好爽彈，而且掛汁力強。豬大腸洗得好乾淨，食落好香好肥美，口感好煙韌，😋推介豬大腸比大家！至於咖喱魚蛋同香菇貢丸就正正常常咁，冇咩特別~
𝑨𝑫𝑫𝑹𝑬𝑺𝑺:
📍銅鑼灣登龍街18號V Point地下5號舖
Shop 5, G/F, V Point, 18 Tang Lung Street, Causeway Bay
張貼
