河內越式料理 (村南道)

營業中

休息中

平時都少過黎呢邊，今日過嚟搵朋友就順便行吓個圍坊，再喺附近搵食，見到間越南餐廳好多人，又有人喺度等外賣，感覺應該幾好食😝同朋友每人都叫咗一個粉再追加小食同飲品，價錢都實惠，食物又豐富😁😁😁真係食到好飽順化蕃茄蟹肉扎肉湯檬有好濃郁既蕃茄湯底，蕃茄嘅酸味加埋蟹肉既鮮甜，入面仲有扎肉同豆卜，湯底鮮甜開胃，最後係飲晒啲湯底嘅🤣🤣越式豬頸肉撈檬粉豬頸肉微脆，帶燒烤既香氣，個人對撈檬個汁有啲要求，呢間個汁好啱我口味，帶酸又唔係太辣。小食揀咗越式春卷，春卷皮比較厚但保持酥脆，入邊餡料好多。蝦餅都大件，炸到好香脆金黃，肉質彈牙有咬口，推介要試吓。鮮芒果西米露好重椰香味既西米露，而且配搭新鮮又甜既芒果，似飲緊甜品。羅望子冰朋友揀咗呢個飲品，試咗口，酸甜嘅口味幾特別。