東歐餐廳

[ 東歐餐廳Ivan The Kozak ]係香港要食東歐菜嘅餐廳選擇唔多，烏克蘭菜就更加少。今次一於試下呢間位於中環區嘅人氣烏克蘭餐廳。✿ 傳統烏克蘭羅宋湯 🥘🥘$58東歐料理最為人熟悉嘅非羅宋湯莫屬，但平時大家飲開嘅都係港式羅宋湯。傳統嘅羅宋湯配上大量紅菜頭，所以顏色較為鮮紅色。而味道就酸酸的，on top加咗sour cream，相當開胃。✿ 招牌芝士焗牛脷盅 👅👅$98 盅嘅面層有一層酥皮。上菜時店員好細心將酥皮放落小碟切成四份，方便進食。而牛脷相當厚切而肉質超腍，配埋香濃嘅蘑菇芝士醬好夠味，醬汁都非常充足。中意食牛舌嘅呢個必點！✿ 馳名基輔炸雞扒 🐓🐓$188炸雞扒上碟時呈圓柱形，好特別！炸粉好薄好脆，切開時仲有牛油汁流出嚟。雞扒選用咗雞胸肉，酥炸後依然保持肉質嫩滑。自家製薯片都好好味，薄身而香脆，薯仔味濃。食唔停口阿！總結🫦第一次嘗試烏克蘭菜，比想像中女好味😗😗。餐廳由枱椅、擺設都好有東歐風情，加上侍應大部分都係外國人面孔，感覺置身外國一樣。假日嚟到呢間餐廳，雖然係午市時間，但都座無虛席。想食嘅朋友記得預早打嚟book位。平日午市有set lunch選擇㗎！✿✿✿✿✿✿✿✿