影片
更多
2024-06-17
1013 瀏覽
上一次去呢間餐廳已經一年前，個時覺得不論環境定係菜式都好打卡able，而且食物味道又唔錯。上次係食晚餐，而今次係午飯時間去，仲抵食。叫左幾樣單點小食同三個套餐，可以話係食到非常非常非常之滿足，捧住個肚走。冬蔭單骨雞翼 - 味道好出色，有冬陰功嘅香味，辣辣地但唔太犀利，唔太食得辣嘅朋友都食得好滋味，而且炸得好脆身。路邊炭火蒜炒牛肉生菜包 - 平時生菜包嘅餡料多數係切成粒狀，而今次係牛肉片，口感更豐富飽滿，份量仲好多。當中仲加入加入紅青椒同蒜頭，再蘸上秘製醬汁，惹味之選。酸辣鳳爪沙律 - 常見嘅泰式小食，調味做得好好，係開胃嘅前菜。路邊炭火炒豬肉寬河粉（餐）- 感覺有啲似乾炒牛河，但整體唔覺油膩。寬河粉滑得來帶點煙靭，好入味。芒果鮮蝦炒飯（餐）- 炒飯顏色好鮮艷，味道好香口。除咗有鮮嫩蝦仁，仲加入芒果粒同提子乾，多咗一份清新香甜。泰式船家脆炸花腩湯河粉（餐）- 花腩片香而不膩，湯底好香濃。以上三個餐除咗跟飲品之外，仲可以額外加錢配小食。我哋分別要咗脆炸豆腐配南乳醬、蒜蓉炒椰菜同泰式魚餅。我尤其鍾意食個炸豆腐，配上南乳醬好惹味。飲品款式都幾多，仲可以貼心選擇冰度同甜度。最後當然唔少得甜品。芒
叫左幾樣單點小食同三個套餐，可以話係食到非常非常非常之滿足，捧住個肚走。
冬蔭單骨雞翼 - 味道好出色，有冬陰功嘅香味，辣辣地但唔太犀利，唔太食得辣嘅朋友都食得好滋味，而且炸得好脆身。
路邊炭火蒜炒牛肉生菜包 - 平時生菜包嘅餡料多數係切成粒狀，而今次係牛肉片，口感更豐富飽滿，份量仲好多。當中仲加入加入紅青椒同蒜頭，再蘸上秘製醬汁，惹味之選。
酸辣鳳爪沙律 - 常見嘅泰式小食，調味做得好好，係開胃嘅前菜。
路邊炭火炒豬肉寬河粉（餐）- 感覺有啲似乾炒牛河，但整體唔覺油膩。寬河粉滑得來帶點煙靭，好入味。
芒果鮮蝦炒飯（餐）- 炒飯顏色好鮮艷，味道好香口。除咗有鮮嫩蝦仁，仲加入芒果粒同提子乾，多咗一份清新香甜。
泰式船家脆炸花腩湯河粉（餐）- 花腩片香而不膩，湯底好香濃。
以上三個餐除咗跟飲品之外，仲可以額外加錢配小食。我哋分別要咗脆炸豆腐配南乳醬、蒜蓉炒椰菜同泰式魚餅。我尤其鍾意食個炸豆腐，配上南乳醬好惹味。
飲品款式都幾多，仲可以貼心選擇冰度同甜度。
最後當然唔少得甜品。
芒果糯米飯係必食，芒果又甜，而且面頭嘅椰子片好加分。
斑蘭椰汁糕賣相好靚，味道相對清甜，但不失斑蘭香味。
張貼
