阿木台灣麵 (豉油街) (已搬遷) 新店位置

久唔久都會想食台灣料理，今日同朋友嚟咗油麻地嘅阿木台灣麵食晚飯。餐廳一向都好受歡迎，成日都好多人排隊！餐廳外有好多台灣小食可以買，大家有興趣可以望望。紅燒牛肉麵 $70牛肉面大大碗，熱辣辣，面頭有些少酸菜。紅燒牛肉湯好惹味，帶少少辣。麵條軟硬度適中，可以加錢轉粗麵或米粉。牛肉分量非常多！有成四件，件件都好厚身。牛肉好淋，味道濃郁。梅子地瓜條 $39地瓜條外脆內軟，地瓜好香甜。梅子粉可以要求多啲，食落酸酸甜甜，好過癮。兩者配搭非常好！！珍珠奶茶（跟餐$15）珍珠奶茶我要咗少甜少冰，味道啱啱好。珍珠甜甜地，夠煙韌。