牛大人台灣火鍋吃到飽 (荷李活商業中心)

營業中

休息中

一家人去食飯要大家都啱食，打邊爐真係好好嘅選擇，牛大人台式火鍋除咗靚牛肉，仲有埋台灣特色小食，啱晒每個人嘅口味 😋呢排台灣鳳梨當造，就叫咗個鳳梨雞鍋，湯底有半隻雞，用咗嚟做湯底，雞髀肉都仲好滑，仲有苦瓜片清熱解毒 🥳我哋叫咗極上和牛餐有我最愛嘅安格斯牛小排，薄薄嘅牛肉片淥兩淥就熟，忍唔住係咁食，另外紐西蘭羊肉都好食，有羊味但唔會羶 🥩 火鍋配料方面當然唔少得台灣水蓮，爽口清甜，仲有洗得好乾淨嘅鵝腸；小食就有鹽酥雞、甜不辣、台灣腸，食完餐飯好似行左台灣夜市一圈 🇹🇼 飲品方面除咗普通邊爐放題嘅罐裝同樽裝冷泡茶之外仲有杯裝台式飲品，柑桔椰果酸酸甜甜好開胃 🍹