牛大人台灣火鍋吃到飽 (荷李活商業中心)

牛大人真係冇得輸, 食材高質, 款式多, 服務唔錯, 環境又舒服, 啱晒一班朋友嚟吹水打邊爐!!週末好旺喎, 7點食完都見有好多人排隊~ 建議早少少去或者訂位喇今日揀左日本黑毛和牛A4+吃到飽 $458/位, 和牛既質素絕對對得住個價錢!!食物種類超多!!! 淨係自助區都有幾個凍櫃~主要係蔬菜, 丸類, 菇類, 麵食等等.....另外落單主要靠手機掃碼, 出菜速度好快好有效率!!江蘇大閘蟹呢個季節限定正到冇朋友!! 套餐包每人一隻~~蟹膏多到滿瀉, 金黃色嘅膏香濃綿滑, 蟹肉鮮甜細嫩~拆開蟹蓋嗰下真係幸福感爆棚!!食完仲想encore 小食又係超多豐富!!!蝦蝦霸霸脆多士多士炸到金黃脆口, 面頭鋪滿蝦肉, 鮮味十足!! 咬落去「索索聲」, 口感豐富阿嬤豆乾魚蓉麵台式拌麵, 豆乾滷到入味, 魚蓉麵滑溜帶啲彈牙, 有種古早風味, 食落好暖心！日本和牛橘梨伴豆腐以清新帶出油香嘅小食~~和牛嘅幼滑同橘梨果香嘅提鮮, 配嫩豆腐做緩衝, 整體精緻美乃滋鮑魚酥外層酥脆, 裡面鮑魚混美乃滋, 甜酸平衡~~柚子燒汁鮑魚柚子淡淡果甜, 襯鮑魚嚼感, 清新唔膩古法醉鮑魚花雕酒香明顯, 鹹鮮有層次, 凍食口感更爽真豬小香腸香腸切片, 腸衣脆口, 豬肉味香濃！咬落去有少少爆汁,好惹味！烏金墨汁手作腸用墨汁整成, 腸身黑色好特別~~有啲似墨魚丸嘅口感, 彈牙得嚟帶啲煙韌！三和夜市雞皮卷雞皮炸到脆卜卜, 卷住啲肉餡, 入口香脆油潤！海苔鹽酥雞鹽酥雞外脆內嫩, 加咗海苔碎, 鹹香惹味, 食落唔會油~~湯底--鴛鴦鍋養生菇菌燉雞鍋湯底超濃郁超正!! 菇菌味道非常香厚!! 又唔會死鹹, 陣陣都係菇菌鮮味雞湯嘅醇厚同菇菌嘅清香完美結合~~阿嬤養生濃湯鍋偏奶白色嘅濃雞湯路線, 味道清甜可口, 入口順滑~海鮮拼盤全部都新鮮到不得了!!鮑魚新鮮彈牙嚼勁~帆立貝飽滿, 質感嫩滑~~生蠔大大隻, 肥嘟嘟, 一啖食落去爆漿濃郁嘅蠔味充滿成個口魷魚超大隻!!! 顏色通透, 光澤亮麗, 爽脆彈牙, 一啲都唔韌日本黑毛和牛A4+油花分布均勻, 好似雪花咁靚, 一片片薄切, 淥落湯底幾秒就食得~~入口即溶, 牛油香爆棚, 肉質軟淋淋, 仲帶啲甜味, 食完成個口腔都係餘香安格斯牛小排牛小排肉質軟嫩, 脂肪適中, 牛味濃郁~~ 淥完唔會韌, 保持到肉汁!澳州和牛牛丸牛丸咬落去超級juicy, 肉汁四溢!!外皮彈牙, 內裡鬆化, 仲有濃濃牛味芝麻/花生/芝士麻吉燒（火鍋料）三款麻吉燒都係火鍋必點!! 外皮煙韌, 咬開流心, 芝麻同花生味香濃, 芝士味就鹹香拉絲, 每款都好好味!!港式檸檬茶（伏特加特調）檸茶酸甜清新, 加咗伏特加後帶啲微醺感, 飲落好爽, 唔會太烈~~芒檸蜜西米爽個賣相好吸引, 係好鮮豔嘅芒果黃色, 仲入面有唔少一粒粒嘅西米~~芒果香甜, 唔係死甜嗰種~ 跟住就會飲到檸檬嘅微酸同清香, 即刻將成杯嘢嘅甜度平衡返珍珠奶茶 (低糖)珍珠奶茶茶味夠, 珍珠Q彈, 低糖版本飲落冇咁膩甜品方面貴精不貴多!!有日版haagen dazs, movenpick & dryers雪糕~~仲有台式甜品, 仙草凍 & 蜜桃愛玉冰 …Read More

💜最近又同Friend子去食牛大人，即日起至2/12晚市嚟🐮牛大人點選「🎌日本黑毛和牛A4+ 套餐」即送「🦀江蘇太湖大閘蟹🦀」一隻😍😍 啲大閘蟹好多蟹膏！🐮另外呢個餐可以任食A4+黑毛和牛，每一轉都係油花靚到暈，入口即化嘅質素！真係和牛愛好者必食！仲有伊比利亞黑毛豬梅肉、鮮甜鮑魚/鮑魚三吃任食，全部都好正，我食咗好多隻鮑魚😂🦪每位仲送一份海鮮拼盤同埋爆汁澳洲M9和牛丸2粒，海鮮全部都好新鮮鮮甜，和牛牛丸咬落去啲肉汁咇出嚟！🍲限時推出兩款限定湯底：我哋試咗「聰明魷魚沙茶鍋」，呢個湯底醬香濃厚豐富，非常鮮潤美味！所有特色湯底均以全天然食材製作，記得先喝湯後火鍋😋😋🍖必食台灣夜市小食有烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗，滿滿嘅台灣旅行回憶😍😍🦐仲有蝦蝦霸霸脆多士，脆卜卜好香口🥰 日本和牛橘梨伴豆腐，清新前菜小吃。阿嬷豆乾魚蓉麵，選用香港老字號“永樂粉麵廠”粉麵，都係一個唔錯嘅選擇。🌮無論係台灣美食定係火鍋配料呢度嘅選擇都非常之多！豐富到暈😵‍💫🍺加錢仲可以任飲生啤同埋港式檸檬茶18+ 酒精特飲，打住邊爐同朋友暢飲仲正！👍🏻另外有新嘅滋味特飲：芒檸蜜西米爽，follow牛大人社交平台即刻請你飲🍹🍨甜品可以試下蜜桃愛玉冰，仲有必食嘅Movenpick雪糕都係任食！…Read More

牛大人真係好正，由學生時期食到而家，一向食物質素高，有時又有期間限定嘅新嘢，有驚喜夠新鮮🙌🏻今個月主題係「經典重現，復刻體驗」由9月10號開始，前間限定🍲湯底有「🦑聰明魷魚沙茶鍋」、「🍄‍🟫養生菇菌燉雞鍋」揀咗前者試試，湯底滾咗就可加埋韮菜、木魚絲，沙茶味香濃小食都有好多期間限定款式：蝦蝦霸霸脆多士、日本和牛橘梨伴豆腐、烏金墨汁手作腸、三和夜市雞皮卷、夜市撈脆薯、海苔鹽酥雞等🍲120分鐘日本A4黑毛和牛火鍋放題送 澳洲M9和牛牛丸2粒、海鮮拼盤、可以任食鮑魚😍🦪海鮮拼盤有鮑魚、生蠔、扇貝等，新鮮品質好好，食落鮮甜🥩日本黑毛和牛A4+套餐有超正日本黑毛和牛A4+，脂肪分布平均，口感滑溜🐮安格斯牛小排 安格斯特選牛板腱都好正，牛味香濃，有口感🐷伊比利亞黑毛豬梅肉呢款豬都好高質，唔會太嚡口🥢鮑魚三吃：今次最鐘意柚子鮑魚，甜甜哋好好食，鮑魚爽口，質感超得🍑甜品：蜜桃愛玉冰不太甜有蜜桃香，愛玉好滑好清甜🥭特飲：芒檸蜜西米爽甜味適中，有芒果肉、西米等，好好飲🫶🏻🥂酒精特飲試咗港式檸檬茶18+，酒味不太濃，易入口…Read More

✨最近試咗間餐廳嘅「炎夏椰樂祭」限時活動，椰香滿滿，和牛吃到飽！120分鐘日本黑毛和牛A4+任食，椰子主題美食，食到捧住個肚走！✨湯底一定要讚！「喇沙椰爺仲夏鍋」椰香十足配海鮮簡直天作之合；「台灣濃湯番茄鍋」配肉超襯，加50蚊整鴛鴦鍋，兩種味一次滿足！✨海鮮冇偷工減料，鮑魚任食彈牙，生蠔大大隻鮮味直噴，沙白大粒冇沙，咬開滿口清甜。✨主角「日本黑毛和牛A4+」靚到爆！雪花紋勻勻稱稱，落鍋幾秒就熟，入口一咬即刻溶開，油香直衝上頭～ 手切封門牛柳牛味濃到痹，又嫩又多汁，每次都想多要幾碟！仲送兩粒澳洲M9和牛牛丸，咬開啖啖肉汁爆出嚟，外層仲有少少脆感，超正！伊比利亞黑毛豬梅肉帶住少少果香，同和牛換住食完全唔會悶。✨椰子主題好有創意！「椰酥跳跳豬」外層脆卜卜，入面加咗爆炸糖，咬落「噼啪」跳，口感超奇妙。✨自助區多款選擇配料！✨飲品區有雞尾酒、啤酒無限飲「椰奶蓋芒芒」香滑濃郁！特調「粉桃椰香」層次豐富超解膩。✨最後甜品收尾超圓滿！「香芋椰漿脆脆」香芋味夠濃，仲有脆粒增加口感；仙草芋圓清清爽爽，仲有Movenpick雪糕及Häagen-dazs雪條！超滿足！呢次放題無論肉質、海鮮新鮮度，定係椰香創意都好到位，炎夏值得專程去試！…Read More

我哋叫咗佢兩款特色火鍋底：**喇沙鍋底**同**木瓜椰子雞鍋底**。喇沙鍋底本身擔心會太濃，但係味道啱啱好，香濃但唔膩，完全係心頭好！❤️ 木瓜椰子雞鍋底就相對清新，椰香同雞湯完美融合，夏天食真係好舒服～🍲🥥呢間店最吸引我嘅係佢提供超多台式火鍋料！例如**甜不辣**、**仙草**同**麻吉燒**，仲有好多台灣風味嘅小食食到我有種置身台灣打邊爐嘅感覺！🇹🇼🤤食材方面絕對係高質！尤其係佢嘅**日本和牛**🐂，嫩滑得嚟入口即溶而家叫**日本黑毛和牛set**仲會送**海鮮拼盤**同**和牛丸**。海鮮拼盤超豐富，有**生蠔**、**帶子**、**鮑魚**同**魚腩**，每樣都好新鮮尤其係鮑魚，無論火鍋浸煮定係**特製燒鮑魚**，都係咬落彈牙又入味燒得仲有少少脆卜卜，唔食一定後悔！🦪🐟甜品更加係一大亮點！有**Häagen-Dazs**同**Mövenpick**雪糕，仲有KitKat黑朱古力脆皮雪條🍫🍦，真係完美收尾～😋最近仲有一個超有趣嘅「知識就是折扣」遊戲！🎉遊戲玩法係店員會過嚟問問題，你可以揀自己最熟悉嘅主題！真係食得又玩得，超過癮！🔥…Read More