西貢咖啡餅店

營業中

休息中

今日去西貢探朋友 ，見到有一間餅店係大排長龍， 即刻問朋友有咩咁值得排， 原來呢間就係享負盛名嘅菠蘿包店！！見到師父一盤咁拎菠蘿包出嚟，店員都好快手咁入曬袋，因為排隊嘅人源源不絕，真係要快手！！排咗大概15分鐘，終於都買到菠蘿包，原來都幾貴，要十幾蚊， 比起坊間嘅價錢，多出一倍有多！！！食後嘅感受…… 可能因為太有期望，而產生失望…… 麵包因為剛出爐所以係柔軟嘅，但裏面係空蕩蕩，冇乜口感，至於菠蘿包上面嗰個脆皮， 都算脆身，但甜度……過份地高！