Vision 8

星期六過完大禮之後，同男朋友黎到荃灣食西餐慶祝下。首先送上餐包，有三款甘多。一款係脆身既薄多士，一款軟身啲，一款口感好軟熟，而且啲包係熱辣辣架。酥炸小食拼盤有炸魷魚圈、炸魚、炸雞翼、炸著條，份量足以填飽一半肚。炸物新鮮炸起，絕對夠香脆，而且炸粉好薄，配以黑松露醬、茄汁、他他醬，相當好食。番茄水牛芝士配意大利香草醬幾新鮮，番茄同水牛芝士既搭配唔會唔好食。小元貝•西蘭花忌廉汁燴意大利飯配加拿大海膽連隻碟都係熱架，海膽好濃味，小元貝都幾多，我鍾意食到有西蘭花既意大利飯，幾夾，忌廉汁令飯好creamy，好食。蘋果木燒西班牙黑毛豬鞍扒配紅酒汁相當厚切，肉質一啲都唔鞋，煙燻味好出，伴碟既芝士薯仔片好惹味。