帝樂德國餐廳 (Fashion Walk)

營業中

休息中

💡交通方便 德國Chill級聚會餐廳銅鑼灣近住維園有間餐廳有室外座位，成日經過都高朋滿座，氣氛好好，同老友買完傢俬經過肚餓想 Chill下食野開下胃。🍽️香濃薯仔湯配雞肉個名都話咗比大家知，香濃！好香滑忌簾湯入面混切幼薯仔蘿蔔同雞肉條，配上香草味道，醒神暖胃，朋友行完街乏力，啱哂佢啦！🍽️維也納豬肉腸配酸椰菜朋友唔想食太肥嘅食物，所以無叫餐廳嘅豬手，所以就揀下香腸試一試。除咗紐倫堡豬肉腸之外，亦都有維也納香腸可以揀！皮脆肉香，配上酸椰菜就更添惹味，而我個人就更喜歡將酸野菜配埋碟上嘅薯仔沙律一齊食，可以好好中和酸野菜嘅酸度。🍽️德式pizza方形pizza真係唔多見，一上菜嗰陣侍應就話要趁熱食。切開之後發現入面係有好濃郁芝士，薄餅有麵粉香，可以一試！🍽️Mocktail德國餐廳除咗有大大杯德國啤暢飲之外，亦都有份量啱哂女仔嘅mocktail。今次試咗兩杯，一則菠蘿香味十足，內有果肉，啱哂唔鍾意酒精味嘅朋友；另一杯就竟然帶微辣，頗為開胃。