三代目 (愉景新城)

營業中

休息中

之前已經食過三代目，性價比極高，今次黎到愉景新城，見到竟然有呢間，即刻入左去，唔洗揀其他餐廳。今次叫左一款拉麵，一款丼飯，一款天婦羅，兩款小食同埋海膽壽司，一杯野飲。 全部都好好味。拉麵揀左辛燒豚梅肉拉麵，麵質適中。唔會過硬或偏腍，湯底辣辣地，正！ 配左溏心蛋同埋筍，好好味！汁燒五花豚丼，五花肉舖滿成個碗，亦配左溏心蛋，啲汁已經淋左落飯到，唔洗自己落。好方便！ 呢個飯分量好多，五花肉燒過，條邊燶燶地南瓜甜薯天婦羅，炸粉唔會過厚，啱啱炸起，南瓜同甜薯都好甜，好新鮮。小食揀左炸雞軟骨同埋大蜆味增煮，炸雞軟骨就正正常常，反而大蜆味增煮就好出色，一般居酒屋都係只係得清酒煮蜆，今次呢個味增唔會太過濃，亦放左檸檬，味道清新。海膽壽司啲海膽好新鮮，正！最後飲品方面叫左朱古力爆脆， 呢款唔會過甜，朱古力味重！值得一試。