三代目 (愉景新城)

營業中

休息中

喺愉景新城搵食就係路過見到幾吸引見到都幾多人食就試吓啦當然喺門口睇過啲餐牌都係合理價錢入去搵咗個位跟住廚房吧枱唔錯唔錯，一坐低就用QR code落餐單都係一樣啦，同一般餐廳我就叫咗一個三餸飯大概10分鐘上枱三餸唔錯嘅樣樣都好味燒得很香份量充足飯嘅汁都好好再叫咗個小食都係OK啦合理嘅老公就叫咗個拉麵同一般拉麵店都係薄薄的叉燒湯底一般其實都係一個美好回憶，因為環境食物質素都係合乎情理但係如果要我再去食都幾難，因為都係路過愉景新城都係比較吊腳同埋偏遠始終外邊都有好多選擇嘅拉麵或者日本菜一試無妨🤗服務態度很好👍🏻亦都好詳細解釋餐牌嘅💪🏻

平日夜晚喺愉景新城行街，想搵間日本菜食下，就去咗呢個中庭旁邊嘅呢間。店面環境雖然比較暗，但坐落都幾舒適。餐牌上食物選擇唔少，一般居酒屋有嘅串燒、卷物、炸物、丼飯，甚至拉麵都有。紫蘇燒豚梅肉拉麵 ($98) ★★★✰✰首先呢個拉麵等咗30分鐘先有，以香港日式餐廳嚟講係非常慢。餐廳已經係用QR code落單，理應唔會漏單；不過感覺店內人手不足，例如埋單畀錢嘅時候都無店員喺帶位處，要等1-2分鐘先有店員服務。拉麵味道方面，值得一讚嘅係有兩邊半邊嘅溏心蛋(即係總共有一隻)，而且溏心蛋煮得恰到好處；兩塊叉燒都算肥瘦適中，呢個價錢嚟講呢個肉量都正常。至於嗰pat紫蘇醬，拌勻後無乜味，整個豬骨湯都唔算特別香濃。麵質正正常常唔會太腍。整體而言，因等候上菜同結帳太耐，今次用餐體驗一般；聽到隔離食客對佢哋食嘅嘢嘅評價都一般，所以俾個OK嘅評價。

兩個人叫兩碗拉麵再加自選4條串燒都好夠飽。我叫左辛燒豚梅肉拉麵，男朋友叫唔辣既豚梅肉拉麵。賣相ok，又有成隻溏心蛋。唔會話好咸，拉麵爽口，湯底惹味，係舊肉肥左啲，但又未至於入口即溶既感覺。串燒揀左牛，雞，豬同甜蕃薯。除左牛比較咸，其他都幾好食～正常發揮～不過張二人檯勁細，我一坐低就撞到腳。野食到齊要就住就住食。食完感覺CP值較低，特別係串燒，4條$128，依個價可以有更好既選擇。要讚既係staff會主動幫忙加水。

2025年1月10號 夜晚來到哩間餐廳 叫左兩個拉麵 一個牛舌飯 2個拉麵就係勁普通既麵 個湯就好似湯包倒出來咁 肉又好硬 唔明拉麵都可以做到咁差 最精彩係個牛舌飯 牛舌飯又細又難食 投訴仲要完全無反應 老鳳咁 話難食都無辦法 態度差到要拍手 叫左杯野飲 都勁難食 唔明點解咁既價錢可以做到咁樣既質素 完全係差到極點 從來唔寫食評 真係忍唔住比個差評

咁啱朋友想食拉麵 我又想食串燒呢間就啱曬啦🥰性價比高！份量都正常，唔會話太細份🥹我哋叫咗兩碗拉麵同 一個串燒set 埋單兩個人$200都唔使👍🏼我朋友去開荃灣絕對會encore！下次試埋佢個天婦羅先🤤🤤

之前買過呢度既外賣便當返公司食，雖然價錢唔算平，但味道都唔錯😋今次就同埋公司嘅同事試吓坐低食個lunch啦！未夠一點已經坐滿晒人，呢度都幾旺場喎😆🌀三盛燒肉丼有齊牛舌、五花肉、煙燻雞，三款肉都烤得幾好夠哂Juicy，又大大塊，飯量都夠多，珍珠米軟綿綿，拌埋飯底嘅汁黎食真係幾好味😋🌀彩虹凱撒沙律材料好豐富份量十足，面頭有大大隻溫泉蛋，有爽甜新鮮蔬菜、秋葵、新鮮粟米、紅黃椒、南瓜，將溫泉蛋汁混和一齊食滋味無窮呀🥰🌀海之天婦羅呢個天婦籃子有蝦、黑松露帶子、2塊鯛魚、2個墨魚、紫蘇葉，鍾意佢哋嘅天婦羅脆漿炸得好薄身好香脆，唔會好厚，我最喜歡大大隻蝦同黑松露帶子，好香😋好好食呀！🌀豚肩叉燒拉麵首先碗拉麵同埋個湯底味道都可以嘅！但一上枱嘅時候見到碗拉麵好似水浸咁🤣淨係見到隻蛋同埋半舊肉浮咗響面，美觀程度零分-0，唔知係咪佢哋嘅風格係咁嘅呢😅不過好彩味道尚可，麵質正常發揮，叉燒尚算軟腍，不過不失

時時經過由荃灣港鐵通去愉景新城的室內天橋, 被廣告燈箱吸引去試食的.燒雞泡魚乾: 正常水準.燒一口牛: 我要分兩啖, 所以好足料, 肉汁充足, 唔干唔過熟.燒雞肉京蔥: 也不錯.五花豚串: 好味~串燒份量夠, 堅係啖啖肉的, 不會是縮水版, 不會干柴, 肉汁多的.辛七味燒蓮藕: 是廚師推介中選項, 所以我點了來試, 都是可以的.

紫蘇燒豚梅肉拉麵鍾意食拉麵嘅你，一定要嚟試吓呢間！我要荃灣嘅呢間餐廳，一睇Menu就睇中呢個豚肉拉麵啦！豚肉雖然就係湯底，但係一樣保留咗佢本身嘅質感，好易入口，又唔會太腍！兩隻半熟嘅蛋，令呢個面更加可口！最鍾意就係佢嘅湯味，唔會太濃唔會太鹹，又唔會太淡！無論係鍾意食濃味嘅味，或者係鍾意淡味嘅味，都好適合食呢個面！地點真係好方便，非常之近荃灣地鐵站，交通方便之餘環境仲好舒適，想黎relax下，或者想體驗吓新食物嘅你，一定要黎！

響附近開工, 見呢間日式餐廳有外賣便當, 款式好似幾多選擇, 價錢唔算平, 但係都叫黎試下.便當內容都幾豐富, 有沙律, 前菜, 支豆等等, D沙律菜都算乾淨新鮮, 前菜D味道都算OK.個便當除左飯之外仲比多個烏冬, 正常冷伴無咩特別, 唔係特別彈牙.而個飯唔算多汁, 豚肉果幾片都煎得幾香口, 係比較薄D同細舊D, 如果多返幾片肉感覺會好D.味道普普通通唔算特別, 價錢要成百蚊, 應該唔會成日食. 

一到午飯時間，呢間餐廳都會坐滿人，要早d去甘就吾駛排隊😆 呢度既lunch set 好多選擇，有拉麵，定食，仲有魚生飯，食拉麵既仲有前菜擇，我地叫左個拉麵同一個丼飯😋 ⭐️豚梅肉拉麵拉麵上枱時熱辣辣，有2塊燒豬肉，1隻流心多同有d荀。塊燒豬肉真係好好味！半肥瘦燒到好香口👍隻蛋半流心，好食 ，如果個湯底濃郁d會更好。前菜有幾舊蓮藕，紅蘿蔔，好入味。⭐️三盛豚肉丼定食呢款岩曬中意食豬既我！有齊3款部位既豬肉，有燒汁拌飯，但豬肉都係拉麵果塊豬正d, hahaha🤣🤣

呢間紅黑型格風嘅拉麵居酒屋有幾間分店，今次去咗荃灣分店食晚餐，整體用餐感覺幾良好，環境舒適，店員服務態度都幾好👍🏻 食物選擇有沙律、拉麵、丼飯、串燒、鍋物等，味道幾好，總有嘢啱食！🔸美國安格斯牛肉鯛魚湯鍋 $298份量有二人份，滿滿一鍋！但如果係比較大食，份量就未必夠啦😂 跟埋個烏冬會更加好！牛肉係安格斯肉質唔錯幾嫩，鯛魚湯底好清甜，唔會太濃味，幾好味！海鮮有墨魚2件、鯛魚2件同蜆4隻，份量唔多，但味道幾好，墨魚好彈牙！鯛魚幾軟腍～仲有超滑日本豆腐，同雜菌野菜～ 加配廣島蠔4隻$58，都幾肥美！淥一陣就食得，好鮮味嫩滑😋🔸彩虹凱撒沙律 $68推介！沙律菜非常新鮮！而且除咗大路嘅沙律菜外，仲有粟米、南瓜同橙，好清新開胃🤤 加咗大量芝士粉，好好味！仲有隻溫泉蛋撈埋一齊食，更加滋味！🔸柚子蜜燒手羽 $38料理長推介menu見到就試吓～ 味道係幾好嘅，但兩隻雞翼size差太遠，見到笑咗🤣

去愉景新城逛街，找了這店食晚飯。間舖有兩部分，閒日竟也坐滿人，厲害！天氣很冷，所以叫了個壽喜燒牛肉鍋，內有美國安格斯牛肉，日本雞蛋，雜菌野菜豆腐，逐樣慢慢煮，熱辣辣，好好味。加埋烏東，大滿足！另外叫了些串燒，燒開邊手羽、燒秋葵，飽魚，味道及份量也不錯。其實佢本身有個二人餐，有晒這個鍋、一些串燒、兩米飯/烏東，也$500 也找，超抵食。可惜今晚我們不餓，食不晒，所以無叫，但見附近很多人叫了，超抵食！我們下次也要叫多一兩人嚟試試這餐！

北角嗰間三代目就食過幾次，唔知愉景新城呢間嘅水準有冇唔同。早幾日同朋友去試，叫咗碗辛燒豚梅肉拉麵、味噌甲羅燒同幾款唔同嘅串燒嚟送酒。嗰碗拉麵好有水準，湯底好濃，加上小小辛辣味，豚肉又煮得唔鞋，拉麵仲係幾彈牙添。至於味噌甲羅燒就好新穎，可以慢慢將各樣嘢撈埋一齊食，味道都好鮮甜。串燒都好多選擇，上枱時仲幾熱，好過其他店舖咁放咗陣間先出嚟，食完又叫多幾款。如果想食啲具水準嘅居酒屋食物，三代目係一個唔錯嘅選擇。

店內環境清幽，人不算多， 不會被 催趕交枱， 可以慢慢與朋友傾計食飯，環境不錯。 是次點了一個‘’宮廷六品性盛‘’，能一次過滿足六個味覺，包括 ：前菜沙律，前菜鮑魚漬，迷你蔥吞拿魚丼飯，海膽丼飯，蔬菜天婦羅，海鮮天婦羅（蝦，魚及魷魚各一），每樣都非常美味，雖然每樣份量不多， 但加起來份量不少了，且能一次過滿足六個味覺， 以這個價格來說， 算是抵食，再加上午市有‘’四人同行一人免費‘’的優惠，則性價比超高，真心推介！

很久沒有和老公撐枱腳，我們第一次食荃灣愉景新城的三代目，服務員態度友善，回應迅速，被安排入座卡位，舒適寬敞，而且餐廳清靜，食具潔淨，環境衛生不錯。我們點了冬日之鍋餐牌上的美國安格斯牛肉鯛魚湯鍋，湯底味道濃郁而不油膩，我們在還沒放牛肉前多喝幾口湯，感覺很鮮甜。海鮮拼盤選擇不錯，有墨魚2件，硯4隻，鯛魚2件，魷魚件件都是厚切，質素好，本人非常喜愛。我們還追加了牛肉，是以克計算，肉質新鮮和嫩滑，感覺質素很不錯。素菜配料亦很足夠，特別是菇菌種類多，最後我們還追加廣島蠔，肥美大隻，味道鮮甜。如果是二人前行，如：情侶、閨密，很值得推介這個冬日之鍋，份量很足夠二人享用。