張公子

營業中

休息中

今次已經係第二次黎張公子食飯，上次食咗佢幾款嘅招牌菜都好有驚喜，覺得好好味，所以今次突登帶屋企人黎試下佢其他餸。X.O.醬紅蔥滷肉木桶拌飯：滷肉食落冇咩油膩感，配埋XO醬調味，真係可以一口氣食幾碗。豔影蝦球: 蝦球勁大隻，蝦肉新鮮彈牙，炸完之後外皮十分酥脆，配埋個檸檬汁好開胃。鮮腐竹蕃茄浸菜苖：好有驚喜嘅一味餸，本身以為一個素菜唔會有咩特別，但佢個蕃茄湯底好鮮而且夠酸，個湯可以直接飲。生煎蓮藕餅:食到一粒粒嘅爽脆蓮藕同埋鮮嫩嘅豬肉，煎得夠脆口，十分惹味。