影片
更多
2021-04-17
2477 瀏覽
朋友住大東北，大家約食飯一人行一步去沙田就最適合不過。今晚終於嚟到鼎鼎大名嘅「天天海南雞飯」食飯，過江龍店人氣特別高，堂食客人同外賣訂單一樣咁多👏。呢度嘅餐牌非常精美，好似成本書咁📚，每版都圖文並茂。菜式非常之多，睇到我眼花撩亂，哈哈。餐廳主打新加坡菜，不過我感覺同中菜都幾相似。我哋唔想諗，嗌二人天天海南雞套餐就啱哂，承惠$388。套餐嘅前菜係蟲草花拌，即芥末蟲草花拌合掌瓜。呢款前菜幾新穎特別，因為合掌瓜多數用嚟煲湯🌵，好少就咁食。估唔到合掌瓜絲食落都幾爽口，有少少似萵筍，調味就似麻油多過芥末。蜜瓜螺頭，即蜜瓜瑤柱螺頭燉雞湯，湯品味道唔錯，🍈蜜瓜清甜，用足料煲，而且仲一啲都唔油。飲湯最緊要夠熱，餐廳深明呢一點，所以燉湯底座放有蠟燭熱住。天天海南雞(例牌)，🐓海南雞果然係餐廳招牌菜，因為係每一枱嘅必點菜式。例牌份量唔少，兩個人食夠哂。海南雞係去骨的，食落啖啖肉，正！呢度嘅特色係雞皮薄，雞皮下無咩肥膏，較平日食嘅健康，但肉質就唔算嫩滑。天天石鍋雞油飯，食海南雞點少得油飯呢？圖中嘅係一至二人份量，大約係兩碗酒樓白飯嘅量啦🍚。用石鍋裝住唔係整色整水，因為真係有保溫嘅作用。山楂丸子，即紫薯山楂炸
朋友住大東北，大家約食飯一人行一步去沙田就最適合不過。今晚終於嚟到鼎鼎大名嘅「天天海南雞飯」食飯，過江龍店人氣特別高，堂食客人同外賣訂單一樣咁多👏。
呢度嘅餐牌非常精美，好似成本書咁📚，每版都圖文並茂。菜式非常之多，睇到我眼花撩亂，哈哈。餐廳主打新加坡菜，不過我感覺同中菜都幾相似。我哋唔想諗，嗌二人天天海南雞套餐就啱哂，承惠$388。
套餐嘅前菜係蟲草花拌，即芥末蟲草花拌合掌瓜。呢款前菜幾新穎特別，因為合掌瓜多數用嚟煲湯🌵，好少就咁食。估唔到合掌瓜絲食落都幾爽口，有少少似萵筍，調味就似麻油多過芥末。
蜜瓜螺頭
22 瀏覽
0 讚好
0 留言
天天海南雞(例牌)，🐓海南雞果然係餐廳招牌菜，因為係每一枱嘅必點菜式。例牌份量唔少，兩個人食夠哂。海南雞係去骨的，食落啖啖肉，正！呢度嘅特色係雞皮薄，雞皮下無咩肥膏，較平日食嘅健康，但肉質就唔算嫩滑。
天天石鍋雞油飯，食海南雞點少得油飯呢？圖中嘅係一至二人份量，大約係兩碗酒樓白飯嘅量啦🍚。用石鍋裝住唔係整色整水，因為真係有保溫嘅作用。
山楂丸子，即紫薯山楂炸湯圓，套餐本身跟嘅甜品係豆腐花，但可惜賣哂，所以轉配咗丸子🍡，定價仲較高添。炸湯圓外皮帶點酥脆，咬落發現有唔同層次，中間口感煙韌，最入面就係山楂。
鹽磚和牛($158)，近排唔食得牛😭，所以無機會一嚐，不過我見朋友成碟食哂，嘻嘻。菜式賣相幾吸引，牛肉大大粒，堆到高高的，上面再有大量木魚碎同炸蒜，而墊底嘅就係一大塊鹽磚。
蒜泥豚肉($78)，造型無餐牌圖片咁靚，因為醬汁係分開上，但都有好處，因為辣汁幾辣下🌶，如果一開始就浸住我未必食到。但如果辣汁「麻」味強啲會比較好。🐷豚肉入面包住青瓜，兩層口感都係爽爽的。
總括嚟講，呢日食咗餐舒舒服服嘅晚餐🥢，餐廳環境舒適，座位闊落。再者，我留意到店員們落力清潔，冇揸流攤，餐枱以至餐牌都抹得乾淨。另外，店員們亦幾好禮貌，抵讚👍。
張貼
