影片
更多
2025-01-01
568 瀏覽
界限街一向唔少食店 大部分都平靚正今次就俾我發掘到一間新開嘅白滷水專門店老闆好熱情 選擇困難症可以搵佢推介食咩㗎😆點咗呢個$198嘅超抵食火鍋套餐❣️胡椒豬肚雞煲+❣️例牌滷水拼盆** 配：生菜、白飯、薑湯蕃薯糖水胡椒豬肚雞煲嘅湯底有藥膳嘅感覺胡椒味之外 滲出淡淡嘅藥材味道 湯底有大大粒嘅紅棗、龍眼、杞子、雲耳、豬肚冬天飲暖胃一流 雞件有半隻 份量十足㗎最開心係配埋一大碟生菜 有菜食吓真係開心好多滷水拼盤一份有齊燻蹄、生腸、豬肚、鳳爪唔好以為冇咩色水就唔夠味 個白滷水真係勁香口每一種食材都滷得好入味 最鍾意個生腸勁爽口最後仲有一碗熱辣辣嘅番薯糖水添蕃薯煲到好腍 糖水就有濃郁嘅薑味 勁正㗎另外仲點咗一份❣️叉燒例牌要求要瘦叉 食落肉質好腍 唔會柴有微微嘅焦香味同香甜嘅蜜糖味呢度嘅格局好骨子 感覺乾淨企理 而且好多卡座最重要係唔使加一 真係勁抵食另外其實有好多滷味選擇 行過可以外賣加送㗎
界限街一向唔少食店 大部分都平靚正今次就俾我發掘到一間新開嘅白滷水專門店
老闆好熱情 選擇困難症可以搵佢推介食咩㗎😆
點咗呢個$198嘅超抵食火鍋套餐
❣️胡椒豬肚雞煲+
❣️例牌滷水拼盆
** 配：生菜、白飯、薑湯蕃薯糖水
胡椒豬肚雞煲嘅湯底有藥膳嘅感覺
胡椒味之外 滲出淡淡嘅藥材味道
湯底有大大粒嘅紅棗、龍眼、杞子、雲耳、豬肚
冬天飲暖胃一流 雞件有半隻 份量十足㗎
最開心係配埋一大碟生菜 有菜食吓真係開心好多
滷水拼盤一份有齊燻蹄、生腸、豬肚、鳳爪
唔好以為冇咩色水就唔夠味 個白滷水真係勁香口
每一種食材都滷得好入味 最鍾意個生腸勁爽口
最後仲有一碗熱辣辣嘅番薯糖水添
蕃薯煲到好腍 糖水就有濃郁嘅薑味 勁正㗎
另外仲點咗一份❣️叉燒例牌
要求要瘦叉 食落肉質好腍 唔會柴
有微微嘅焦香味同香甜嘅蜜糖味
呢度嘅格局好骨子 感覺乾淨企理 而且好多卡座
最重要係唔使加一 真係勁抵食
另外其實有好多滷味選擇 行過可以外賣加送㗎
張貼
