影片
更多
2022-08-11
368 瀏覽
話說前排係社交平台睇到有雞子米線同埋椒鹽雞子炒飯，我本身係雞子控，但因為身體問題介左，但見到個炒飯真係好想食，所以想去會一會個炒飯～但我地夜晚去到先知原來雞子係下晏先會有，同埋半個鐘就會賣曬，個下失落左3秒。但已經1場黎到，冇理由唔試下呢到d炒飯架嘛，所以就繼續食飯😋冇雞子就叫其他野食，今日叫左：1. 招牌蝦頭油炒飯2. 椒鹽安格斯牛柳粒3. 金飯仔沙嗲三寶4. 蜜汁雞翼食物終於都黎，首先黎係椒鹽安格斯牛柳粒，份量足料，唔止係配菜足料，係連牛柳粒都足料，好大碟，椒鹽唔算太鹽，但食落去係刺激到味蕾，會食唔停口😋推介～之後就係金飯仔沙嗲三寶，三寶即係魷魚、豬皮同牛柏葉，魷魚係食到佢既新鮮，食到個海鮮味，豬皮就比較普通，但都係爽既，至少個牛柏葉係1讚，超爽口，就算唔夠牙力，都應該食到 (因為有好多人係會食唔到架😏)，個汁如果拎黎撈白飯就very good，不過今日係食炒飯，所以冇得撈😂終於黎到主角出場 － 招牌蝦頭油炒飯，炒飯炒得唔算太濕，又有少少蝦乾調味，重有蠔仔1齊炒，身為1個為食蠔，1定唔放過，大小通吃，但唔知係未因為樣樣食物都係醃，所以開始食到有d咸(可能係味精重🤣)，所以個飯我都覺
但我地夜晚去到先知原來雞子係下晏先會有，同埋半個鐘就會賣曬，個下失落左3秒。但已經1場黎到，冇理由唔試下呢到d炒飯架嘛，所以就繼續食飯😋
冇雞子就叫其他野食，今日叫左：
1. 招牌蝦頭油炒飯
2. 椒鹽安格斯牛柳粒
3. 金飯仔沙嗲三寶
4. 蜜汁雞翼
食物終於都黎，首先黎係椒鹽安格斯牛柳粒，份量足料，唔止係配菜足料，係連牛柳粒都足料，好大碟，椒鹽唔算太鹽，但食落去係刺激到味蕾，會食唔停口😋推介～
之後就係金飯仔沙嗲三寶，三寶即係魷魚、豬皮同牛柏葉，魷魚係食到佢既新鮮，食到個海鮮味，豬皮就比較普通，但都係爽既，至少個牛柏葉係1讚，超爽口，就算唔夠牙力，都應該食到 (因為有好多人係會食唔到架😏)，個汁如果拎黎撈白飯就very good，不過今日係食炒飯，所以冇得撈😂
終於黎到主角出場 － 招牌蝦頭油炒飯，炒飯炒得唔算太濕，又有少少蝦乾調味，重有蠔仔1齊炒，身為1個為食蠔，1定唔放過，大小通吃，但唔知係未因為樣樣食物都係醃，所以開始食到有d咸(可能係味精重🤣)，所以個飯我都覺得炒得好，但係味道略咸😳
最後因為見到隔離枱既雞翼好似好好食，所以我地追加左1碟蜜汁雞翼，我見餐牌寫係分3隻同5隻，我地叫3隻，但係唔知點解黎左4隻🤣。蜜汁雞翼黎到熱辣辣，皮脆汁甜，好好食，呢個亦都係值得推介😋～
由於味精太勁，我地都係要叫飲品，如果你有叫炒飯，第1杯只需要8杯，第2杯就會收正價😏～
總結： 所有食物比較多味精，所以怕味濃同埋味精未必岩你地食，但係唔代表食物唔好，只係用左第2個方式表現食物既好食程度，下次我就會去食佢地既椒鹽雞子炒飯😋😋😋
張貼
