新泰東南亞餐廳 (興旺閣)

營業中

休息中

好耐冇食過泰國菜，朋友話灣仔有間唔錯，就搵咗個夜晚一齊去食。餐廳樓高三層，裝修有泰國風味，好多木製傢俬同大象裝飾。泰國青芒果沙律青芒果切絲，咬落好爽口，微微帶酸辣，再配埋香脆嘅腰果食，非常開胃。泰式炒大蜆蜆嘅數量好多，而且非常大隻，用咗三色椒同西芹炒，香辣配埋新鮮嘅蜆肉好夾。麵包焗咖哩軟殼蟹麵包焗得外脆內軟，咬落表面鬆脆，點入面黃色咖喱汁食一流，軟殼蟹炸得火候啱啱好，食落啖啖肉，黃咖喱唔太辣，個汁加蟹同麵包食口感好豐富，難怪會成為餐廳招牌菜。椰青沙冰沙冰非常大，飲落帶着椰奶清香，而且非常軟身同香滑，好有泰國風味。總括而言，餐廳食物質素不錯，難怪朋友會叫我去食。