新泰東南亞餐廳 (興旺閣)

天氣漸漸變涼⋯⋯但係好懷念熱帶嘅地方⋯⋯仲有佢嘅美食就係泰國🇹🇭⋯⋯其實我真係好鍾意食泰國菜😬⋯⋯餐廳裝飾得好似去咗泰國一樣！充滿泰國風情⋯⋯服務仲好好添！泰式柚子蝦沙律醬汁真係非常美味！甜甜酸酸！仲有好多隻爽脆嘅大蝦！材料又豐富有魷魚🦑脆卜卜嘅香蒜！香甜嘅西柚加香脆嘅腰果😋😋😋⋯⋯鐵板蠔仔炒蛋蠔仔非常鮮甜，而且係好大粒添⋯⋯好似有啲中國版嘅蠔餅咁好香脆⋯⋯又有蛋香⋯⋯熱辣辣好豐富⋯⋯串燒原來有六吋⋯⋯豬、牛、羊每樣兩吋⋯⋯肉質相當新鮮！燒得非常香口！沙嗲醬汁非常香濃！原個菠蘿🍍咖喱蝦咖喱蝦非常美味！大蝦非常新鮮，又爽口！正宗泰國咖喱！充滿椰香！加埋菠蘿同埋雜菜非常美味！泰式乾炒河泰式乾炒炒河我哋揀咗豬肉！醬汁濃郁！風味交織！雖然係乾炒河，但係一啲都唔覺得佢乾有少少嘅汁好好味！而且份量仲好多添！餐廳整體CP值極高！食材又新鮮！👍👍…查看更多

今日黎到灣仔搵朋友食飯 佢就帶我黎到呢間3層樓高既泰國餐廳 新泰東南亞餐廳～～去到門口就聽到店員都係講泰文 未食都感覺係好正宗嘅泰國菜 充滿期待😛 入到嚟睇睇餐牌 好多唔同種類嘅泰國菜 好多嘢都好想食🤩 睇相望落去每碟都好大份😍 諗咗一陣終於可以叫嘢食🤣 鹹檸檬梳打估唔到係咁大舊嘅鹹檸檬😱 配埋梳打水 好開胃呀😬 椰青沙冰好巨型嘅椰青 沙冰仲要滿滿擺喺上面 睇到佢真係用椰青肉去打沙冰 真係椰青嘅甜味 好好味😋 大推👍🏻 泰式炸蝦餅即叫即炸熱辣辣上枱😍 蝦餅彈牙 滿滿蝦肉 點埋酸甜醬 好好味😋 燒豬頸肉份量好多！！！豬頸肉燒得啱啱好 肉質好滑嫩 又唔會燒得好油膩👍🏻 配埋佢嘅靈魂醬汁 不錯不錯😌 泰式青咖喱雞青咖喱勁香又唔會好辣 雞肉好滑份量都唔少 全部大大舊又啖啖肉😍 另外加咗蒜蓉包 烤好就拎上枱 好香蒜蓉牛油味 用嚟點咖喱汁嚟食 絕配🥳 泰式蝦炒金邊粉熱辣辣拎上枱仲出緊煙🤩 有蛋包圍住令到賣相好靚😬 大蝦爽口彈牙 金邊粉味道啱啱好 食泰國菜必點！同埋好大碟 適合幾個人一齊分享！大推👍🏻 整體嚟講 呢間 新泰東南亞餐廳 環境舒適 店員服務態度好 食物質素不錯😌 每樣嘢食份量都幾多 下次一定叫埋朋友一齊嚟試多啲唔同嘅菜式😋…查看更多

今晚同朋友去咗灣仔嘅Sun Thai Restaurant試吓佢哋嘅泰菜，好大間有三層😆 我哋兩個人食咗 $651，人均 $325.5，算係合理價錢，環境又舒服～ 🍹 青檸梳打 ($42)一入口好清新！酸酸甜甜，好適合夏天飲，解膩一流！👍 🦐泰式生蝦 ($118)生蝦好新鮮，配埋泰式酸辣汁，鮮味爆棚！🤤 🥩 烤西冷牛扒 ($138)牛扒烤得啱啱好，肉質嫩滑，仲有少少炭燒香，正！但份量可以再大啲～😋 🥬 飛天通菜 ($98)鑊氣十足！蒜香同辣味平衡得好好，係我嘅必點菜式！🔥 🍝 越式蟹肉炒粉絲 ($118）粉絲炒得乾身，蟹肉份量都算足，但味道偏淡，如果再多啲調味就完美啦～ 🍚 芒果糯米飯 ($78)甜品控必試！芒果超甜，糯米飯軟糯，椰汁香濃，完美收尾！💛 💡 小總結整體來講，食物質素唔錯，尤其係泰式生蝦同飛天通菜好出色😍 環境佈置好有泰國feel下次會再嚟試吓其他菜式！ ✨…查看更多

🌶️ 冬蔭功一上枱就聞到酸辣香氣，湯底紅潤但唔會太油。入口先係酸味，跟住辣勁慢慢滲出嚟，好開胃。蝦算新鮮，肉質爽口，仲有菇同香茅嘅香氣，令成碗湯層次好豐富。🥬 肉碎生菜包生菜葉新鮮爽脆，肉碎炒得香口，調味唔會太鹹，仲帶少少甜味。包住生菜一齊食清爽又解膩。🍢 串燒拼盤雞肉嫩滑，牛肉有咬口，豬肉帶少少油香，三款各有特色。沙嗲醬係重點，花生香濃郁，甜甜辣辣好惹味。除咗嘢食之外，個人都幾鍾意佢環境夠衛生。…查看更多

新泰東南亞餐廳喺香港已經有二十幾年歷史，主打泰國同馬來西亞菜式。餐廳有兩層，空間夠大，坐得舒服唔侷促。裝修走泰式風格，配上木系傢俬同柔和燈光，氣氛輕鬆得嚟又有異國感覺 🇹🇭✨。今次試咗幾道菜，整體感覺唔錯。越式燒春雞配香茅黃飯🐔🍚係其中一個推介，雞皮燒得香脆，肉質嫩滑，冇雪味。香茅味唔會太搶戲，但帶出清香，配埋黃飯一齊食好夾，飯煮得乾身又有香氣。泰式蝦炒金邊粉（Pad Thai）🦐🍜賣相吸引，色澤靚，炒得乾身唔油膩，酸酸甜甜好開胃。蝦夠新鮮，口感爽，炒粉冇黏底，味道平衡。馬拉盞炒通菜🥬係一個小驚喜，通菜夠嫩又新鮮，炒得夠鑊氣，惹味但唔會太鹹。最欣賞係感覺冇落太多味精，食完唔會口乾，細節位做得唔錯。馬拉肉骨茶🍲就最啱冬天飲，湯底帶淡淡藥材香，味道濃郁但唔會太重口，入口暖胃又舒服。排骨炆得夠腍，吸晒湯汁，幾入味。整體嚟講，新泰出品穩陣，用料新鮮，味道有層次。服務方面都唔錯，員工有禮貌，唔會太煩擾。價錢中等，以灣仔嚟講算合理，想食東南亞菜嘅話，呢間可以考慮下 👍😊。…查看更多