新泰東南亞餐廳 (興旺閣)

今晚同朋友去咗灣仔嘅Sun Thai Restaurant試吓佢哋嘅泰菜，好大間有三層😆 我哋兩個人食咗 $651，人均 $325.5，算係合理價錢，環境又舒服～ 🍹 青檸梳打 ($42)一入口好清新！酸酸甜甜，好適合夏天飲，解膩一流！👍 🦐泰式生蝦 ($118)生蝦好新鮮，配埋泰式酸辣汁，鮮味爆棚！🤤 🥩 烤西冷牛扒 ($138)牛扒烤得啱啱好，肉質嫩滑，仲有少少炭燒香，正！但份量可以再大啲～😋 🥬 飛天通菜 ($98)鑊氣十足！蒜香同辣味平衡得好好，係我嘅必點菜式！🔥 🍝 越式蟹肉炒粉絲 ($118）粉絲炒得乾身，蟹肉份量都算足，但味道偏淡，如果再多啲調味就完美啦～ 🍚 芒果糯米飯 ($78)甜品控必試！芒果超甜，糯米飯軟糯，椰汁香濃，完美收尾！💛 💡 小總結整體來講，食物質素唔錯，尤其係泰式生蝦同飛天通菜好出色😍 環境佈置好有泰國feel下次會再嚟試吓其他菜式！ ✨…查看更多

大王東街入面有一棟三層高嘅泰國🇹🇭餐廳環境舒適，食物高質，店員仲好殷勤有禮～呢晚就帶兩老嚟食飯～ 《 巴東牛展💲118 》餐廳招牌之一！坊間嘅巴東牛肉好多時都會選用牛冧肉或牛腩，膩感較重，但呢度就用牛展，厚身但極嫩腍，仲有啖啖膠原感，醬汁香濃惹味，配薄餅/飯一流！《 燒豬頸肉 💲98 》肉嫩爽口，蘸埋泰式醬好提味～《 日本南瓜焗海鮮飯 💲158 》原個南瓜，飯面舖咗芝士南瓜蓉並焗得焦香～焗飯加咗紅咖喱，入口有椰香，甜中帶微辣，好惹味～ 並加入南瓜粒、大蝦、鮮魷同青口，好足料～食嗰時我刮埋啲南瓜肉，所以真係好美又勁飽肚！《 馬拉盞通菜 💲88 》菜嫩無渣，幾香口唔會咸～《 原個椰青大菜糕 💲75 》坊間好少有呢個食！鮮椰汁製成大菜糕，好清甜！入面仲加左大大片嘅鮮椰肉，真係好原汁原味，份量夠2-3人，好岩夏天食！《 椰青斑戟💲60 》開頭以為係一般嘅斑戟，但原來係糕點嚟！面層焗得有一層薄薄嘅酥脆，入口煙煙韌韌，加上椰絲、椰青肉，味道香甜～ 下次再嚟！ …查看更多

店名: 新泰東南亞餐廳 地址: 灣仔大王東街21-23號興旺閣地下至2樓環境: 4/5味道: 4.5/5價錢: 4/5今日嚟到灣仔一間好出名嘅泰國菜，佢係一棟有三層，我去嘅時間係平日放工時間，都幾多人喺嗰度食🥳越式蝦米紙卷 ❤️❤️❤️❤️$88泰國越南嘢有點少得米紙捲呢！每一舊都會有一隻大蝦，落足料俾你😸點埋佢個甜酸嘅醬，簡直就係將成件事昇華串燒(6串) ❤️❤️❤️❤️$108 今次我嗌左雞、豬、牛每樣2串❤️個沙爹真係要大讚下先💪勁好食，我最後都食晒成個醬，串燒唔好燒到肉質過熟，份量十足，好食🤩飛天通菜 ❤️❤️❤️❤️$98通菜係我最鍾意食嘅菜，炒得好食係難上加難嫁！🤩飛天通菜唔好鹹，好大份，🥳😋好入味！蝦醬炒飯 ❤️❤️❤️❤️❤️$98呢個蝦醬炒飯好有驚喜！份量大到我嚇親🤣蝦醬唔會好鹹好油膩，個飯都炒得啱啱好唔會過熟🥰同埋唔會過濕🫶🏻呢一個係係真係必嗌，加埋啲蛋碎同埋其他配料撈埋一齊就更加好食🤓…查看更多

走進新泰灣仔店，木質調與泰式雕花交織出溫暖而有格調的氛圍，燈影柔和不刺眼，座位間距充裕，談天吃飯都舒適。前台與樓面團隊笑容到位、主動添水及留意節奏，服務節拍利落卻不打擾——社交聚會或約會都剛剛好。必點推介：- 菠蘿海鮮炒飯：今晚最大亮點。飯粒乾身分明，火候帶出鑊氣；菠蘿果香與咖喱粉香平衡，甜而不膩。蝦身爽彈，配旁邊腰果與肉鬆，自由加料令口感更立體。屬於會想再點的一款。- 泰式生蝦：賣相清爽，蝦肉晶瑩厚身，鮮甜不帶腥。青檸魚露辣汁酸辣俐落，蒜片與小米椒提神，一口冰爽一口刺激，很開胃。- 泰式燒西冷：火候掌握準，切面均勻粉紅；肉汁保留，外層帶輕微炭香。配酸辣醬與甜辣醬兩路風味，建議先淨吃再點醬，層次更明顯。- 辣椒膏炒蜆：醬汁有勁，辣度中上，羅望子與九層塔的香氣把海味吊起來；蜆肉飽滿，收汁做得好，送飯一流。味道與價值：味道幾好而且穩定，調味貼近港人接受度，保留泰菜的酸辣鮮香同時不過火。份量對應定價算合理，招牌炒飯性價比尤其突出。服務與環境：- 環境：木地板、藤椅與泰式擺設營造度假感，燈光氛圍感強，背景音量友善。- 服務：招呼主動、補水勤快，上菜節奏順，能適時提醒辣度與配醬，專業有禮。…查看更多

#食評出動 #泰國菜 #香港美食今晚試咗間隱藏喺鬧市嘅泰國餐廳，由食物到環境都充滿驚喜！！我對泰菜要求極高，但呢間絕對值得推薦，逐樣同大家分享～🍤 泰式生蝦（必點！）生蝦新鮮到彈牙！蒜片、辣椒、薄荷葉夾住冰鎮大蝦，蘸埋自家製酸辣醬汁，一啖放入口——辣勁、酸香、鮮甜層次爆開！蝦肉完全無雪藏味，處理得乾淨，絕對係誠意之作。🍍 菠蘿炒飯（鑊氣十足）用原個菠蘿上桌，視覺先加分！炒飯乾身唔油膩，蝦仁、魷魚、肉鬆、腰果料多過飯，每啖都食到菠蘿果肉嘅清甜同咖喱香氣。最驚喜係加入提子乾，微甜平衡鹹香，口感大滿足！🔥 燒牛肉（肉控必試）Medium rare火候完美！外層微焦香口，內裡粉嫩軟嫩，牛脂香濃唔韌。蘸少少青辣椒醬更醒胃。旁邊嘅沙律菜清新解膩，細節用心。🌶️ 辣椒炒蜆（風味爆炸）蜆肉大隻無沙！用咗泰式豆豉、金不換、辣椒爆炒，醬汁濃郁帶微甜，辣度夠勁但唔遮鮮味。送啤酒或椰青簡直一流，忍唔住連汁都撈埋！環境同服務：店內裝修走現代泰式風，木系桌椅+綠色植物，空間闊落唔嘈雜，好適合朋友聚餐。服務員態度友善，上菜速度快，主動換碟，值得一讚。整體：4.5/5分食物高質有特色，價錢中上但對得住質素，會encore！📍餐廳：新泰東南亞餐廳💰人均：$200-300#泰式生蝦 #菠蘿炒飯 #燒牛肉 #辣椒炒蜆 #香港泰國菜 #美食推薦 #吃貨人生…查看更多

呢一日係灣仔行街，就見到呢一間環境幾有東南亞特色嘅餐廳。見到佢下午茶，正價午餐有八折，大約2:30開始，所以就一試。嗌咗呢個海南雞飯套餐，有包餐湯同埋生菜，都幾完整。海南雞飯適中，而且可以嗌佢轉白飯，都適合上減肥嘅人士去選擇。另外加咗$28 醃無骨鳳爪沙律，無骨鳳爪口感爽口，配上酸甜汁， 10分開胃。青檸梳打都10分開胃青新燒西冷牛扒份量幾多，肉質鮮嫩，味道惹味。配上另外兩個醬，特別好食。如果驚油膩嘅話，亦都可以嗌多杯熱嘅香茅茶去膩，香茅茶清新撲鼻! 職員態度有善，用心推介美食。整體用餐感覺幾好，會再返黎。…查看更多

呢次品嚐的四道菜包括香芒軟殼蟹米紙卷、泰式蝦炒金邊粉、芒果糯米飯，以及冰涼的泰國椰青1. 香芒軟殼蟹米紙卷 呢道菜賣相好靚，晶瑩剔透的米紙包裹著金黃的軟殼蟹、鮮黃的芒果條和翠綠的香草，色彩繽紛，令人食指大動。第一口咬下，口感層次瞬間爆發：米紙的煙韌、軟殼蟹的極致酥脆、芒果的軟糯香甜，以及香菜的清新氣息2. 泰式蝦炒金邊粉 金邊粉炒得乾濕度適中，帶有迷人的鑊氣，醬汁均勻地包裹著每一条粉，呈現出誘人的焦糖色澤。調味是正宗的泰式風格——酸甜為主導，伴隨一絲微辣，並有蝦米的鹹香作為風味基底。大頭蝦新鮮彈牙，為整道菜增添了貴氣和鮮味。旁邊搭配的碎花生同青檸角，允許食客根據個人喜好自行調配。擠上青檸汁是靈魂所在，瞬間讓整盤炒粉的風味變得更加明亮、清爽，解膩開胃。3. 芒果糯米飯 芒果成熟度極佳，香甜多汁，毫無酸澀感。糯米飯煮得軟糯彈牙，溫熱的飯身與冰涼的芒果形成迷人的溫差對比。最畫龍點睛的是淋上的濃稠椰漿和撒上的脆脆綠豆仁。椰漿的豐腴奶香、糯米的淡淡鹹味、芒果的奔放甜味和黑白兩種糯米，兩者味道令人吃過回味無窮4. 泰國椰青 冰鎮的泰國椰係呢頓盛宴嘅最佳伴侶。它清甜冰涼、淡雅透徹的滋味，能有效地清洗味蕾，化解炸物和炒粉的微膩感。在第一口品嚐開胃菜前喝下，能預先準備好味蕾；在吃辣時喝下，能瞬間緩和刺激；在享用甜點後喝下，則能帶來一絲純淨的收尾。…查看更多

香茅燒豬頸肉切成均勻既薄片，整齊排列於盤中，份量都好多外層烤得酥脆，帶有輕微既焦脆感，而內裡肉質都算彈牙、多汁且柔嫩擠上幾滴新鮮檸檬汁，將整體風味提升到另一個清爽層次日式南瓜焗海鮮飯以整個日本南瓜作為容器，創意與賣相滿分上面有金黃色既芝士鋪滿表面食落口有濃郁既奶香、南瓜既甜香與海洋既鮮味，例如蝦、魷魚、貝類另外仲叫左砧板蠔仔炒蛋 呢個係一個蠔餅好鬆脆 熱辣辣有大粒粒蠔仲有蛋香味沾少少辣汁就更惹味大大份岩share …查看更多

在灣仔鬧市中尋覓地道泰國風味，一間專注於泰式咖喱與經典菜式的專門店，絕對值得您駐足。這裡不僅以濃郁辛香的咖喱俘虜食客味蕾，更有一道令人一試難忘的招牌前菜——「香芒軟殼蟹米紙卷」，堪稱必點之選！這道米紙卷，是視覺與味覺的雙重享受。晶瑩剔透的越南米紙，輕柔包裹著金黃酥脆的整隻軟殼蟹，佐以新鮮清甜的芒果條、爽脆青瓜絲、彈牙米粉，再點綴幾片提味的香草。軟殼蟹炸得恰到好處，外層酥香無比，內裡蟹肉鮮嫩帶汁，火候掌控盡顯功力。當季芒果的豐盈果甜，完美中和了油炸的微膩，與青瓜的爽脆、香草的獨特氣息交織，譜出層次豐富的夏日協奏曲。蘸上店家特調的甜辣醬或魚露汁，更添一抹開胃的東南亞風情，每一口都充滿驚喜，清新與香脆的平衡令人回味無窮。除了味覺盛宴，此店更讓人倍感窩心的是店員親切有禮的服務態度。從入座時溫暖的笑容、耐心介紹菜式，到用餐期間主動添水、適時收拾骨碟，舉手投足間盡顯真摯。即使店內忙碌，他們依然保持專業與耐心，笑容不減，讓顧客感受到如朋友般的款待。這份發自內心的熱忱與禮貌，為美食體驗大大加分，營造出舒適愉悅的用餐氛圍。若您身在灣仔，渴望品嚐高水準的泰式料理，尤其是那道令人驚豔的香芒軟殼蟹米紙卷，同時享受如沐春風的服務，這間泰式咖喱專門店絕對是您不可錯過的口袋名單。記得提早訂位，親身感受這份來自泰國的美味與人情味！…查看更多

好耐之前已經去過尖沙咀食呢間餐廳嗰陣都覺得環境唔錯，食物都幾好今次就試吓灣仔呢一間去到發現環境仲靚 間餐廳有三層 座位仲好闊落啲侍應哥哥姐姐都係泰國人 勁親切 會推介食物但唔hard Sell👍🏻次次食泰國菜都好掙扎，叫唔叫生菜包因為我好鍾意食生菜包但係好多餐廳啲菜都好核突最憎見到燶邊生菜但係呢一間啲生菜勁靚，勁新鮮啲肉碎夠酸味唔會太辣仲食到啲lemongrass仲要勁大碟！除咗叫生菜包，仲叫咗個香葉烤雞唔知有冇人同我一樣都好鍾意食香葉包雞但都係嗰句唔係間間好食出面好多餐廳都整到啲雞肉好嚡我食過人生最好味嘅香葉包雞係喺泰國曼谷一間商場入面 真係世一呢度嘅香葉包雞，雖然唔及我之前喺泰國食嘅嗰個，但係佢都做到雞肉仲係Juicy👍🏻👍🏻我哋仲叫咗個主食 — 泰式乾炒河勁！大！ 碟！ 先98蚊！其實真係幾抵啲雞肉仲要勁大嚿不過就冇香葉包雞嗰個咁滑咁Juicy叫做抵食夾大件兩個人食真係唔好嗌兩份主食會飽到出唔到門口😹😹我哋另外仲叫咗個芒果糯米飯食親泰國嘢必食呢度嘅芒果糯米飯有白糯米同紫糯米最鍾意有兩溝，啲芒果都幾甜！讚！喺港島區食泰國菜咁抵食環境舒服，食物質素唔錯，服務又幾好覺得冇得輸可以再嚟食過😋…查看更多

🐷 燒豬頸肉（必食！）師傅用炭火直燒，塊塊都燒到邊位焦脆！肉心嫩滑多汁～最正係個秘製泰式醬汁，酸辣帶微甜，完全中和咗油膩感。朋友話：「脆到似食緊豬頸肉版燒腩仔！」 🍢 泰國街邊豬肉串（原汁原味！）一上枱就聞到椰奶香！豬肉燒到微微焦香，肉質彈牙得嚟帶東南亞香料味～點埋個秘製泰式醬汁，味道即刻層次暴升！食完即刻想encore多串～ 🐮 馬沙文牛腩（邪惡之選！） 咖喱汁濃到可以黏住個匙羹！牛腩炆到超鬆化，仲有啲薯仔吸晒啲精華～個汁用咗多種香料煮成，撈飯食真係可以KO成碗白飯！ 🍜 泰式乾炒牛河（鑊氣王！）即叫即炒，上枱仲見到鑊氣煙冒出嚟～河粉炒到條條分明，牛肉嫩滑唔韌，帶出淡淡東南亞風味！ 💸 性價比人均$200左右，份量足料，味道正宗過九成香港泰國菜～📍 總評：9/10- 豬頸肉滿分 - 馬沙文咖喱香濃到犯規 - 環境有泰國街頭feel - 侍應笑容好親切 #泰國街頭風 #豬頸肉脆卜卜 #馬沙文咖喱 #鑊氣乾炒牛河 #良心店（P.S. 晚市勁多人，建議6點前去霸位！） …查看更多

前排同朋友想搵間好味又抵食嘅泰國菜，喺網上見到灣仔呢間泰國餐廳好多好評，話環境唔錯、份量多，仲有三層座位，於是即刻book位試試！🥰一入到餐廳，環境真係比想像中好，地方寬敞，裝修有泰國風情，燈光暖暖哋好有氣氛。佢有三層樓，座位多到唔使點等位，服務員都好親切，感覺已經加分！😁👐🏻泰式炸魚餅一上枱已經聞到陣陣香茅同咖喱香，炸得金黃酥脆，咬落魚肉彈牙，仲有啲微辣嘅味道，配上嗰個酸甜辣醬真係一絕！😝鐵板蠔仔炒蛋蠔仔好新鮮，粒粒肥美，$78真係超值，份量夠四個人分😄泰式蝦炒金邊粉蝦仁好大隻，爽口彈牙，仲有豆芽、蔥同花生碎增添口感💞醬汁酸酸辣辣，泰式風味十足，食到停唔到口～芒果糯米飯芒果好甜好juicy，糯米飯軟糯又唔會太甜，淋上椰奶真係完美收尾🫶🏻泰式凍奶茶茶味濃郁，奶香順滑，冰涼涼好解渴👐🏻…查看更多

同閨蜜friend撐枱腳，揀咗灣仔呢間Sun Thai Restaurant～環境幾闊落，我哋坐2樓，傾偈都唔怕嘈到人🤫 一坐低就叫咗一杯青檸梳打，咁熱天時真係即刻冰涼曬👍🏻重點推介「泰式生蝦」🦐✨ 上枱仲噴緊乾冰勁igable！蝦肉爽甜到彈牙，個辣汁仲有香茅味，我同fds爭住蘸🤣 不過$118得6隻，食完仲想encore啊～ 「塘西冷牛扒」驚喜喎！🥩 叫咗七成熟，切開仲有少少粉嫩，咬落去juicy得嚟唔會韌，個泰式醬汁酸酸地好解膩～個fds平時要食全熟牛都照食咗幾塊😆「越式蟹肉炒粉絲」鑊氣十足！蟹肉多到懷疑師傅手滑🤭 朋友仲話要學整，但睇怕都係等我煮俾佢食啦👩‍🍳 最驚喜係「芒果糯米飯」🥭 糯米暖笠笠，淋上椰汁同脆米，直頭想encore可惜已經太飽～希望下次同再大堆friend嚟食，可以嗌多唔同款嘅食物齊齊share🤭🤭🤭仲有咖哩、海鮮嗰啲好多選擇都未試得晒🫣…查看更多

灣仔泰菜好去處今次餐廳好有氣派，入到去先知原來有層，仲要3層都可以full house，真係好少見。值得一讚既係，座位闊落，坐得好舒服。冬蔭功﹕一定要試味道豐富、夠濃郁，食材足料。湯底夠濃，飲得出係落足料先做到呢個味，濃湯加埋味，再加少少辣度，好惹味。海鮮都好足料。串燒﹕叫左豬、牛、雞三種，味足，肉嫩。最推介雞肉，雞皮略脆，雞肉鮮嫩，加埋漿汁，好惹味。軟殼蟹咖喱包超巨型，叫左呢個可以唔洗叫主食。包似法包質地，外皮脆，內鬆軟，點咖喱一。咖喱口味偏甜、椰香型的，唔係辛辣型咖喱，岩晒大家口味。軟殼蟹有好多件，唔會炸完完全冇肉。2個人食呢道菜真係好飽。雞肉生菜包好少見有得揀雞肉，其他餐廳大多係豬肉，雞相對冇咁油膩，加埋生菜，更清爽，正。呢間性價比真係好高，會再回黎試其他菜式。…查看更多

呢間位於灣仔大王東街嘅新泰東南亞餐廳係我最愛嘅泰國餐廳之一今日叫咗泰式烤豬手，一上枱真係嚇咗一條，因為個烤豬手好大隻，食落個豬手皮脆卜卜，連我平時唔敢食皮都覺得好好食，另外豬手嘅肉質好入味，好惹味；另外叫咗鐵板蠔仔煎蛋，個鐵板上面鋪滿咗芽菜，至於蠔仔份量都非常之慷慨；由於好鍾意食金邊粉，所以嗌咗個泰式蝦炒金邊粉，大蝦嘅份量都好多，至於金邊粉炒得彈牙爽口，酸酸甜甜好開胃；突然之間想食沙律，就叫咗個泰式柚子蝦沙律，呢味餸菜少少辣，柚子同蝦嘅份量都好多；最後叫咗個青檸梳打解膩你間餐廳個氣氛好好，而且環境舒適，食物份量非常充足，好適合一家大細同同朋友嚟聚會，十分推薦…查看更多