蛇王娟

營業中

休息中

舖位於官塘斜巷上，舖內裝修殘舊，多客時連舖後巷都坐滿人。主打蛇羹蛇湯，亦有客飯、小食。蛇羹套餐分A或B，分別於A為大蛇羹，可2人分吃，但可能要加客飯比較夠飽。B餐有細蛇羹、細糯米飯、細蛇湯。一個人吃都相當夠。細蛇羹：用平常家用飯碗盛上，雖說是羹，但還是過份稠得很，又傑又肉很多，十分漿口而仔細看以肉絲為多，與蛇肉比例約為2:1左右。雖則材料非常豐富，但全是肉無幾多湯水的蛇羹未必一定好食的。唯加埋檸檬葉和薄脆一起吃，味道才增值些。細糯米飯：有臘腸潤腸脆花生，糯米飯較乾身，有靱度。細蛇湯，樣貌平平無奇，飲得出淡淡藥材味，而眼見大窩蛇湯有陳皮、紅棗、𣏌子等材料，唔怪得唔苦啦！熟辣辣飲落全身都暖苙苙。個人覺得比蛇羹更出色。