牛霸王

營業中

休息中

餐廳主打手打和牛漢堡，而且主打款都會有一隻蘭王蛋黃係上面。食嘅時候可以揀一種醬汁同埋一種配菜。醬汁方面可以揀秘製漢堡汁日式咖喱汁同埋白味噌汁。而配菜嘅話可以揀日式泡菜又或者係芥辣酸瓜。手打和午漢堡扒丼飯$128 和牛整嘅漢堡扒特別有牛香味，而且肉質好嫩滑冇筋，一啲都唔諧。手打嘅和牛好鬆軟，而且食落去有肉汁。蘭王蛋黃同埋漢堡扒係絕配！嫩滑嘅漢堡扒再加埋蛋黃可以食埋蛋香，每一啖都黏滑濃郁。日式咖喱食落去係會有少少辣，但係辣度係可以keep住每一啖都食到。日式咖喱醬辣辣地同日式泡菜都好啱味。白桃烏龍$15 白桃烏龍茶好香白桃味，而且餐廳冇加到糖，所以飲得好健康。飲品一放低已經可以聞到濃郁嘅茶香。