瀛鍋

營業中

休息中

位於九龍城既瀛鍋係一間專門提供高質食材既火鍋店，主打刺身、海鮮、有機食材餐廳仲設有多間VIP房，同時提供代客泊車服務，適合家人朋友聚會。✨海石蚌 & 三文魚刺身刺身非常新鮮，海石蚌肉質脆口，味道鮮甜唔會腥。三文魚刺身夠厚肉，超滿足！✨花膠濃雞鍋鍋入面有半隻本地走地雞，雞味濃，而且仲有5、6舊大大舊花膠係入面。打邊爐之前先飲湯，湯含豐富膠質，味道濃厚鮮甜。✨手切鴛鴦牛一碟有齊安格斯同本地手切肥牛。安格斯既雪花分布平均，肉質嫩滑。本地手切肥牛就牛味夠濃，帶有嚼勁。✨太白醉翁蝦一開蓋已經酒香撲鼻，蝦非常大隻同新鮮！用黎打邊爐食到淡淡既花雕香氣，加埋蝦本身鮮甜同彈牙既肉簡直絕配。✨韭菜餃 & 雲吞 & 魚皮餃每隻餃都好大隻，形狀飽滿。當中我最中意魚皮餃，外面口感煙韌，入面肉餡富油香。✨金沙魚皮超級香脆，加上少少咸蛋黃既調味，食到停唔到口，轉間就掃哂。✨蔬菜 & 蕃薯粉 & 葛根粉聽老闆講全部都係有機，係自家農場直送，所以啲菜顏色超靚，同埋特別嫩滑。蕃薯粉同葛根粉煙煙韌韌，索哂個湯非常好食。