影片
更多
2024-10-20
934 瀏覽
終於去咗呢間食燒烤一定不能錯過嘅好地方「燒烤堂」. 餐廳近年逆市周圍大展拳腳開咗唔少分店，銅鑼灣分店地點就腳環境更舒適，重點係價錢貼地仲有sapporo生啤$48買一送一，CP值極高幾百蚊已經食到攬住個肚走. 兩頁紙嘅Menu都好豐富都差不多應有盡有好夠食，驚選擇困難嘅話餐廳仲好貼心俾埋十大推介十大人氣產品等標示，而且會標明日韓川疆港式燒法任君選擇. 平靚正有氣氛難怪平日夜晚都坐無虛設. 我哋total叫咗16樣嘢食飲埋酒人均$400. 店員姐姐好友善，見我哋第一次嚟特登推介人氣產品同埋新產品俾我哋. 試咗呢三款新品真係超鍾意. ⭐️鹽燒馬友💯✅原條馬友送上香噴噴. 外皮超香薄脆，魚肉嫩滑入口溶化，仲有魚油滿溢，連唔食魚嘅人都覺得好食. 特製醬汁係黃豆醬同潮州辣醬，混合食好配合更加提升魚肉鮮味. ⭐️手切新鮮牛胸爽💡呢個部位好少食，原來係牛心臟隔離嘅脂肪膜,難怪零舍充滿骨膠原. 咬落好爽脆肥美質感似炸脆咗嘅牛油. 真係幾特別冇介紹錯. ⭐️鹽燒三黃雞腿肉肉多又唔肥肉質結實好有嚼勁. ⭐️鹽燒原塊雞皮果然係名物，咁大塊雞皮食都係第一次，真係好搶眼啱晒打卡. 吹到好似食薯片咁，食落唔會覺得有完全冇
店員姐姐好友善，見我哋第一次嚟特登推介人氣產品同埋新產品俾我哋. 試咗呢三款新品真係超鍾意.
⭐️鹽燒馬友💯✅
原條馬友送上香噴噴. 外皮超香薄脆，魚肉嫩滑入口溶化，仲有魚油滿溢，連唔食魚嘅人都覺得好食. 特製醬汁係黃豆醬同潮州辣醬，混合食好配合更加提升魚肉鮮味.
⭐️手切新鮮牛胸爽💡
呢個部位好少食，原來係牛心臟隔離嘅脂肪膜,難怪零舍充滿骨膠原. 咬落好爽脆肥美質感似炸脆咗嘅牛油. 真係幾特別冇介紹錯.
⭐️鹽燒三黃雞腿肉
肉多又唔肥肉質結實好有嚼勁.
⭐️鹽燒原塊雞皮
果然係名物，咁大塊雞皮食都係第一次，真係好搶眼啱晒打卡. 吹到好似食薯片咁，食落唔會覺得有完全冇負擔感.
⭐️厚切鹽燒牛舌拖羅
質地厚實比平時燒牛舌更Juicy油香更飽滿.
⭐️汁燒免治雞肉棒（附月見）
雞肉軟腍加咗雞軟骨增加口感，配埋月見汁食落更滑溜. 視覺效果更佳，打卡一流.
⭐️豬羊類
孜然豚肉韭菜花卷配搭超夾，韭菜控必點.
秘製燒羊架香而不氈，美中不足羊肉種類
只有呢一種如果有羊肉串更加好.
福岡味噌松阪豬，甜甜地質感似豬頸肉.
⭐️甲殼類海鮮
點左蒜蓉燒廣島蠔、燒日本活北寄貝、欖角蒜蓉粉絲燒蟶子. 海鮮類新鮮好味調味出色，比較少見嘅燒北寄貝味美鮮甜.
⭐️蔬菜及其他類
川燒茄子燒法特別可以一試，不過個人更鍾情傳統蒜蓉燒法. 尖椒皮蛋豆皮有驚喜.
日本芝士年糕表面香口入口煙韌，沾上煉奶別有風味.
想食串燒喺呢個地方絕對係首選. 平靚正，荷包冇負擔之選.
35 瀏覽
0 讚好
0 留言
51 瀏覽
0 讚好
0 留言
29 瀏覽
0 讚好
0 留言
48 瀏覽
0 讚好
0 留言
45 瀏覽
0 讚好
0 留言
36 瀏覽
0 讚好
0 留言
40 瀏覽
0 讚好
0 留言
49 瀏覽
0 讚好
0 留言
36 瀏覽
0 讚好
0 留言
36 瀏覽
0 讚好
0 留言
44 瀏覽
0 讚好
0 留言
23 瀏覽
0 讚好
0 留言
張貼
