燒烤堂

大隻仔今次覓食嘅店舖就係💥 燒烤堂 💥大隻仔今晚同好朋友聚會，朋友話燒烤堂好好食，經朋友介紹吓先知道呢間餐廳開到半夜2:30，喺銅鑼灣真係唔驚冇嘢食，餐廳仲有一個貼心服務，就係有個暖爐可以暖住食物。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 燒日本活北寄貝 $58用上新鮮日本活北寄貝，極之鮮甜，加上香濃牛油味道，好食到連湯汁都飲埋。🔥 香草蒜蓉包 $18蒜蓉牛油味道突出，麵包烤到外脆內軟，好好食。🔥 豚肉節瓜波板糖 $38功夫菜，將薄薄嘅豬豚肉片、節瓜片捲成一個波板糖形狀，賣相得意又好食，點上雞蛋甜醬油，味道更加豐富。🔥 燒汁免治雞肉軟骨棒 $36雞肉嫩滑，軟骨棒口感豐富，啖啖肉，加上蛋黃醬油燒汁甜甜地更加好味。🔥 蒜香牛油酒煮蜆 $68帶有淡淡紫蘇葉香味，蒜蓉牛油味香濃，蜆肉肥美多汁。🔥 日式燒白鱔 $48喜歡食白鱔既朋友必點，外皮燒得香脆，白鱔充滿油脂香味。🔥 鹽燒開邊雞中翼 $20雞翼外脆內軟，雞肉嫩滑多汁。🔥 鹽燒和牛牛小排 $48牛味香濃，肉質軟腍。🔥 鹽燒豬肋肉 $24豬肋肉帶有油香。🔥 中切鹽燒牛舌芯 $28中切牛舌芯，爽口好食。🔥 厚切鹽燒牛舌拖羅 $48厚切比起中切更加好食。🔥 鹽燒三黃雞腿肉 $28三黃雞腿肉，夠晒嫩滑。🔥 鹽燒豚肉荔枝卷 $22豚肉捲住荔枝，荔枝多汁，可以解除豚肉油膩，十分好食。🔥 鰻魚炒飯 $58抵食之選，蒲燒鰻魚肥美厚肉。🔥 蜜糖燒菠蘿 $18串大隻仔推介必點食物，食到最尾食一串燒菠蘿可以解除油膩，而且燒菠蘿多汁好食。…查看更多

最近帶個Friend去銅鑼灣食串燒，勝在夠晒方便。性價比超高！串燒選擇多，質素穩定 ！ 完住對得住個價錢~ 叫咗好多款野食，兩個人食盡都係幾百蚊~ 係串燒控必去，值得推介！主要緊係要點~ 蒜蓉燒蠔，新鮮蠔肉肥厚，咬落去海鮮甜味突出。日式燒白鱔同鹽燒白鱔都試咗，白鱔燒得嫩滑，鹽燒簡單提味，日式加陣醬汁有甜香，咬落去彈牙，性價比高。秘制燒羊架羊肉嫩唔柴，燒得外焦內汁，咬落去羊香濃郁。孜然豚肉芫茜卷豚肉捲得緊，孜然香辣，芫茜清新。芫茜控必食韓燒泡菜五花腩五花腩肥瘦適中，泡菜酸辣解膩，食落去韓風十足。厚切鹽燒牛舌拖羅牛舌厚切燒得嫩，鹽味提鮮，咬落去彈牙有牛香，份量一串大。鹽燒原塊雞皮雞大大塊！ 皮燒得超脆。汁燒鮮雞肝雞肝燒得軟嫩，汁醬入味，食落去鮮美。麻辣燒赤雞心雞心彈牙，麻辣味濃但唔過火孜然燒蒜蓉茄子都唔錯，茄子燒得軟綿綿，蒜蓉同孜然香氣突出，咬落去茄子汁水多，整體平衡得幾好。牛油蒜蓉焗金菇，金菇焗得嫩滑，牛油蒜蓉醬裹得勻，咬落去有脆響感覺，價錢抵食。鹽燒淮山簡單但正，淮山燒得外焦內軟，鹽味提鮮，咬落去脆脆哋帶甜。 蒜蓉菜圃燒豆皮，豆皮燒得微微脆，蒜蓉同菜圃香氣滲入，咬落去豆皮彈牙，菜圃咸香突出，味道層次豐富。焦糖鰻魚芝士玉子燒有創意，鰻魚燒得香脆，玉子燒滑溜，芝士融化加陣奶味，焦糖甜甜地，食完勁滿足。仲有！焦糖青蘋果鵝肝多士係必點，鵝肝煎得外脆內軟，入口即化，青蘋果脆脆哋酸甜，配多士咬落去平衡得幾好，簡直超值。最後，燒芝士年糕，年糕燒得外脆內軟，咬落去彈牙，芝士拉絲融入口中奶香濃郁。之後試咗檸蜜牛油包，都可以必點！ 包身烤得金黃脆脆哋，牛油滲入有陣奶香，檸檬蜜汁酸甜解膩，食落去口感層次分明飲品叫咗生啤，買一送一就抵到爆！ 另外果杯青檸菠蘿梳打，青檸酸酸地，菠蘿甜甜，梳打清涼。…查看更多

串燒控必收藏👑！每串都回味無窮我個仔早排學校旅行🎒，玩到成隻馬騮咁開心😆，梗係要趁機同佢出去食餐好嘅！自從上次帶佢食過串燒之後，佢就成日掛住🤤，問極我：「媽媽，幾時再去食呀？」於是我就左搵右搵🔍，終於俾我喺銅鑼灣登龍街嘅永光中心，發現咗呢間高質串燒店——「燒烤堂」！🚀我哋上到3樓，已經聞到陣陣燒烤香🔥！🍗 鹽燒原塊雞皮燒到超脆口！咬落「咔嚓」聲💥，好似食緊塊裝薯片咁，鹽香簡單直接，正！🐮 厚切鹽燒牛舌拖羅厚切口感超滿足！👅牛舌芯超軟嫩又多汁，濃郁牛味在口中爆發，必點！🍄 雞皮墨魚滑超有創意！雞皮燒得香脆，包住彈牙嘅墨魚滑🦑，雙重口感，好過癮！🍚 和牛棒(配松露一口飯) 和牛棒肉味濃郁🥩，點埋個溫泉蛋汁簡直無敵！旁邊嘅松露一口飯香氣撲鼻🍄，絕配！🍍 蜜糖燒菠蘿食完咁多肉，必點呢個！熱辣辣嘅菠蘿燒到焦香，蜜糖甜味更加突出🍯，解膩一流！🍡 糖不甩燒湯圓作為完美句號！外皮燒到微脆，入面流心芝麻餡💖，同糖不甩嘅食法一樣，好邪惡但好幸福！今次阿仔食到好開心😋，已經話又要再encore！大家如果都想同家人開心掃餐，呢間絕對係好選擇！👍…查看更多

晚上來到位於銅鑼灣的燒烤堂吃晚餐。😁鹽燒鮮三黃雞腿肉雞腿肉鮮嫩多汁，鹽燒的味道恰到好處，讓雞肉的鮮味得以充分展現。鹽燒原塊雞皮雞皮烤得酥脆，鹽味適中，咬下去的瞬間能感受到雞皮的香氣四溢，令人食指大動。盬燒和牛牛小排肉質極為鮮嫩，油花分佈均勻，每一口都能嚐到濃郁的肉香，搭配微微的鹽味，讓人回味無窮。鹽燒A4宮崎和牛肉質極為細膩，油花分佈均勻，鹽燒的方式讓其更加美味。厚切鹽燒牛舌拖羅牛舌的厚切讓口感更加豐富，鹽燒的方式保留了牛肉的原汁原味。雞皮墨魚滑雞皮的香脆與墨魚的滑嫩形成了美妙的對比，讓人驚喜。蒜香牛油酒煮蜆蜆肉鮮美，蒜香與牛油的搭配讓蜆的味道更加香濃。和牛棒(配松露一口飯) 和牛的嫩滑與松露的香氣交織，搭配流心蛋黃，口感層次豐富。蒜蓉燒蠔蠔肉鮮嫩，蒜蓉的香氣令其更加美味，燒烤的火候掌握得當，讓蠔的鮮味得以保留。紅蔥油蒜蓉粉絲燒元貝元貝的鮮甜與紅蔥油的香味相得益彰，粉絲吸收了所有的精華，讓人一口接一口。燒日本活北寄貝北寄貝燒烤後的口感更加彈牙。椒鹽燒多春魚多春魚的外皮酥脆，內裡鮮嫩，椒鹽的味道讓人更加開胃。麻辣墨魚鬚麻辣味十足，墨魚鬚的口感彈牙。汁燒煙韌年糕卷年糕的口感韌性十足，搭配濃郁的醬汁，很搭！！鹽燒開邊雞中翼雞中翼的肉質鮮嫩。士多啤梨乳酸清新可口，酸甜適中，十分解膩。青檸菠蘿梳打青檸的清香與菠蘿的甜味搭配得恰到好處。…查看更多

早幾日同屋企人去咗銅鑼灣「燒烤堂」慶祝萬聖節，氣氛真係勁有Feel！牆身掛滿蜘蛛裝飾，好有節日氣氛，店員全部都化身做超可愛小南瓜，仲有生日壽星可以向佢哋借用小南瓜服裝、頭箍，瞬間融入萬聖節Party之中！*此餐廳收取加一服務費。紅葱油蒜蓉粉絲燒元貝（四客$116），元貝肉質厚肉，食落好Juicy，配以紅蔥油、蒜蓉、香蔥、粉絲食用，鮮味更加突出。焦糖青蘋果鵝肝多士（單點$108）。鰻魚炒飯（單點$58），表面鋪有香蔥，鰻魚口感厚肉，肉質嫩滑、帶有膠質，燒得有燶邊，食落充滿蒲燒醬汁味道，飯粒上色均匀，好足料，內有鰻魚粒、冬菇、沢庵漬、雞蛋、香蔥、菜心花粒、粟米。燒芝士年糕（兩客$56），表面鋪滿紫菜，芝士年糕口感外薄脆內軟糯，芝士餡料流心效果突出，配以忌廉芝士醬食用，奶味醇厚。味醂魚干（單點$48）。麻辣蒜蓉茄子（單點$38），表面鋪滿脯、蒜蓉、辣椒、香蔥、麻辣醬，茄子食落好惹味。蜜糖燒菠蘿（兩客$36），菠蘿食落好Juicy，味道香甜。辣版胡麻醬稻庭冷烏冬（單點$32）。牛油蒜蓉焗金菇（單點$32），表面鋪滿蒜蓉、牛油，食落好香口。糖不甩燒湯圓（單點$22），表面鋪滿花生碎、芝麻、椰絲、白糖，湯圓口感軟糯，芝麻餡料味道濃郁。翠玉瓜（單點$16），表面鋪有黑椒、海鹽，味道清甜。爆打香水檸檬茶（兩杯$64），店員將檸檬茶一放上枱，已經聞到香水檸檬的香味，味道酸甜。@skewer.kitchen燒烤堂地址：銅鑼灣登龍街28號永光中心3樓…查看更多