影片
更多
2023-07-20
729 瀏覽
打風落雨最岩行商場，行到攰見到呢間新派福建菜好似唔錯，就算假日都有午市套餐，以百幾蚊嘅價位喺IFC嚟講算經濟實惠，環境仲好有文青feel。高湯燜炒純米粉套餐 $168我哋叫咗個lunch set，包咗主食、小菜、燉湯或飲品。主食揀咗燜炒米粉，配料非常豐富，有冬菇，蝦、蜆、豬肉、豆卜、花生、紫菜、乾瑤柱等等，重點當然係個米粉，因為係先用高湯燜煮過再炒，所以非常入味之餘口感仲keep到好鬆化。小菜點咗閩南醬牛肉，個閩南醬辣辣哋好惹味。跟餐仲叫咗姬松茸竹笙排骨湯，湯頭呈金黃色，入口有好香嘅菇菌味。鐵板鹽焗聖子 $138餐廳做緊季節限定嘅蟶子menu，當時得令梗係要食吓。鹽焗嘅做法將蟶子嘅肉汁同鮮味全部鎖係蟶子入面，一啖咬落去就爆汁，食到蟶子嘅原汁原味。薑蔥炒蟶子 $128另一款炒蟶子就用咗薑、蔥、燈籠椒等一齊炒，多咗一份蔬菜嘅清甜，蟶子非常大隻，每隻都啖啖肉。黑松露蘆筍炒鮮貝 $138除咗蟶子仲叫咗蘆筍炒鮮貝，爽脆嘅蘆筍配搭彈牙鮮貝同香濃黑松露汁，送飯食就一流。黑蒜粒燉排骨湯 $58因為朋友都想飲碗熱湯就加多咗盅燉湯，呢款黑蒜排骨湯蒜味好香濃，飲落就似冇藥材味嘅肉骨茶，排骨都好腍身。番薯芝士
高湯燜炒純米粉套餐 $168
我哋叫咗個lunch set，包咗主食、小菜、燉湯或飲品。主食揀咗燜炒米粉，配料非常豐富，有冬菇，蝦、蜆、豬肉、豆卜、花生、紫菜、乾瑤柱等等，重點當然係個米粉，因為係先用高湯燜煮過再炒，所以非常入味之餘口感仲keep到好鬆化。小菜點咗閩南醬牛肉，個閩南醬辣辣哋好惹味。跟餐仲叫咗姬松茸竹笙排骨湯，湯頭呈金黃色，入口有好香嘅菇菌味。
鐵板鹽焗聖子 $138
餐廳做緊季節限定嘅蟶子menu，當時得令梗係要食吓。鹽焗嘅做法將蟶子嘅肉汁同鮮味全部鎖係蟶子入面，一啖咬落去就爆汁，食到蟶子嘅原汁原味。
薑蔥炒蟶子 $128
另一款炒蟶子就用咗薑、蔥、燈籠椒等一齊炒，多咗一份蔬菜嘅清甜，蟶子非常大隻，每隻都啖啖肉。
黑松露蘆筍炒鮮貝 $138
除咗蟶子仲叫咗蘆筍炒鮮貝，爽脆嘅蘆筍配搭彈牙鮮貝同香濃黑松露汁，送飯食就一流。
黑蒜粒燉排骨湯 $58
因為朋友都想飲碗熱湯就加多咗盅燉湯，呢款黑蒜排骨湯蒜味好香濃，飲落就似冇藥材味嘅肉骨茶，排骨都好腍身。
番薯芝士丸 $48
最後叫咗個甜品，用番薯做嘅外皮包住芝士心去炸，食落鹹中帶甜，做到外脆內軟，兼且有流心拉芝嘅效果。
。
。
4口 (中環)
中環金融街8號國際金融中心商場2樓2012號舖
。
。
張貼
