La Parrilla Steakhouse

中午放工食Lunch咁岩係石板街附近，決定去個高質餐廳食個好野慰勞下自己。中環好少少嘅餐廳都唔平，對比之下呢間「La Parrilla Steakhouse」算係性價比好高，石板街上面就係，仲可順便打下卡，好就脚！環境方面就當然係高級西餐廳裝修，好靚好舒服，中午都好多商務人士係度用餐，好彩佢夠大夠多位今日唔使等位。坐低就送上自家製麵包，呢個麵包同普通西餐廳食嘅好唔同好似鹹味蛋糕咁，大大兩條，因為太好味，未上其他野食就已經食晒，癲！今次食lunch set, 有小食，主食同餐飲。小食Waiter推介左「Melted Provolone Cheese」，鐵pan溫熱融化嘅Provolone Cheese，經過特別調味，雖然超邪惡，配搭上脆脆口感嘅烤麵包，食到停唔到口。黎Steakhouse 當然要試吓佢個牛肉，主食就當然係Ribeye。上枱仲配有六款唔同嘅醬料，酸甜辣等等，全部俾晒你試，可以食到唔同味道嘅牛，總有一款你鐘意，正！塊八外面炭烤，少少脆皮嘅感覺，肉質好嫩，一塊係兩塊嘅份量，食完好滿足。side dish 揀左薯條，鮮炸新鮮出爐一大碟，唔係得出面得幾條果只。最後因為啲野太好味仲試