影片
更多
2022-08-01
61 瀏覽
今次去中環歌賦街終於唔係食拉麵(😂😂😂)，而係去呢間「Chueca」食西班牙菜🇪🇸。餐廳採用半開放式設計，金色招牌襯托深藍色門面，耀眼之餘仲有華麗嘅感覺。入夜後店內著晒燈嘅時侯係好靚㗎，亦成為街內最矚目嘅餐廳。今餐前菜、主菜、甜品全部都有食，大部份仲要係餐廳嘅招牌菜😋😋真係大滿足呀！前菜▫️Chef’s Rusa (HKD150) - 一個小鐵罐裡面有薯仔沙律、吞拿魚、三文魚子，剩係賣相已經100分。呢個小食配上多片細細塊嘅脆麵包，用匙羹將所有食材填滿塊麵包然後放入口，三文魚子喺口裡面爆汁嘅感覺好爽呀。▫️Oysters “Al Natural” (HKD80) - 一客有兩件法國Fine de Claire生蠔，入口爽滑，肉質鮮嫩。平時食生蠔多數會用匙羹蘸少少檸檬汁，呢度嘅食法係將醬汁 (Tabasco/Vinegar)噴喺生蠔上面，呢個食法又幾新鮮喎。▫️Tuna Tartare (HKD120) - 薄脆皮上盛載住吞拿魚粒及牛油果蓉，再加上幾粒三文魚子，係一個非常醒胃嘅前菜。▫️Ham Croquettes (HKD70) - 混入火腿粒嘅內餡軟綿，口感鬆化，一啲死實嘅感覺都冇，好好食呀
今餐前菜、主菜、甜品全部都有食，大部份仲要係餐廳嘅招牌菜😋😋真係大滿足呀！
前菜
▫️Chef’s Rusa (HKD150) - 一個小鐵罐裡面有薯仔沙律、吞拿魚、三文魚子，剩係賣相已經100分。呢個小食配上多片細細塊嘅脆麵包，用匙羹將所有食材填滿塊麵包然後放入口，三文魚子喺口裡面爆汁嘅感覺好爽呀。
▫️Oysters “Al Natural” (HKD80) - 一客有兩件法國Fine de Claire生蠔，入口爽滑，肉質鮮嫩。平時食生蠔多數會用匙羹蘸少少檸檬汁，呢度嘅食法係將醬汁 (Tabasco/Vinegar)噴喺生蠔上面，呢個食法又幾新鮮喎。
▫️Tuna Tartare (HKD120) - 薄脆皮上盛載住吞拿魚粒及牛油果蓉，再加上幾粒三文魚子，係一個非常醒胃嘅前菜。
▫️Ham Croquettes (HKD70) - 混入火腿粒嘅內餡軟綿，口感鬆化，一啲死實嘅感覺都冇，好好食呀。
主菜
▫️Lobster Rice (HKD650) - 原隻大龍蝦由西班牙新鮮空運到港，店員同我哋講餐廳大部份食材都係由西班牙運到嚟香港，務求要將所有菜式都要做到當地嘅風味。龍蝦當然係呢個菜式嘅賣點，但係千祈唔好忽略米飯嘅存在。飯粒索晒啲龍蝦汁之餘仲混合咗墨魚粒，將米飯嘅味道提升到另一層次。平時晚飯時間盡量食少啲澱粉質嘅我都忍唔到口，一啖一啖飯咁放入口😂😂
甜品
▫️Cheesecake (HKD90)
▫️Flan de Nata (HKD80)
以上兩款都係西班牙經典甜品，而且係餐廳自家出品呢。Flan de Nata 即係焦糖布甸，布甸上面有層厚厚嘅焦糖，再加上少量生果為呢個簡單嘅甜品添上另一種味道。Basque Cheesecake貌似一件椰撻，口感軟滑及帶點焦香味。兩款甜品比較呢一款就冇Flan de Nata 咁甜。
餐廳提供嘅cocktails選擇都幾多，各有特色真係好難揀😆😆。到最後喺店員推介下點咗呢兩杯飲品。
▫️Tropical (HKD120)
▫️Crazy Berries (HKD160)
兩杯cocktail賣相好靚，淺紅色嗰杯Crazy Berries 仲有幾粒莓作點綴。估唔到飲品賣相吸睛度絕不比食物低😬😬雖然兩杯飲品分別含有龍舌蘭及琴酒，但係就容易入口，好啱女士們飲呀。
除咗cocktails餐廳仲有提供好多酒精類飲品，紅酒、白酒、Rum、Volka等樣樣齊。嘆美食點可以冇美酒呢。
⭐️不設加一
張貼
