影片
更多
2023-10-22
27 瀏覽
💭係香港好小食印度菜，襯放假出中環食一間bookmark咗好耐嘅印度餐廳。呢度嘅裝修金碧輝煌，印度宮廷風格，非常有格調，坐位闊落舒服😋★*"`'*-.,_,.-*'`"*-.,_☆,.-*`'`*-.,_,.-*`'`*★點餐後，首先會黎薄脆餅，鹹鹹嘅餅乾配三款醬料：紅菜頭、菠蘿同薄荷～十分開胃！🔸Keema pav重點推薦👍🏻咖喱羊肉碎份量十足，用羊肉碎同各種香料調味製作，羊肉唔羶帶點小辣，惹味香口。牛油麵包烘到金黃色，外層小脆食落好重牛油香，配羊肉碎一齊食，口感層次豐富😋超級好食🔸Truffle cheese Naan薄餅就真係食得多，第一次見有松露芝士味！一上枱係好香，熱辣辣好大塊好軟熟，餅中間係芝士令到咸香味加重，非常足料，飽肚又滿足。🔸Chutney Butter Chicken牛油咖哩雞肉係印度菜常見嘅菜式，質地非常綿滑，面頭落咗小小松露每味道更突出。雞肉肉質鮮嫩，整體十分香口濃郁。🔸Tandoori Octopus八爪魚用炭烤過，充滿咗煙燻炭香味，肉質新鮮而且幾腍身，有別於平時食開嘅口感，幾有驚喜。🔸Celeriac Miloni芹菜根雜菜用左獨特香料烹調，令到雜菜有爽口
💭係香港好小食印度菜，襯放假出中環食一間bookmark咗好耐嘅印度餐廳。呢度嘅裝修金碧輝煌，印度宮廷風格，非常有格調，坐位闊落舒服😋
★*"`'*-.,_,.-*'`"*-.,_☆,.-*`'`*-.,_,.-*`'`*★
點餐後，首先會黎薄脆餅，鹹鹹嘅餅乾配三款醬料：紅菜頭、菠蘿同薄荷～十分開胃！
🔸Keema pav
重點推薦👍🏻咖喱羊肉碎份量十足，用羊肉碎同各種香料調味製作，羊肉唔羶帶點小辣，惹味香口。牛油麵包烘到金黃色，外層小脆食落好重牛油香，配羊肉碎一齊食，口感層次豐富😋超級好食
🔸Truffle cheese Naan
薄餅就真係食得多，第一次見有松露芝士味！一上枱係好香，熱辣辣好大塊好軟熟，餅中間係芝士令到咸香味加重，非常足料，飽肚又滿足。
🔸Chutney Butter Chicken
牛油咖哩雞肉係印度菜常見嘅菜式，質地非常綿滑，面頭落咗小小松露每味道更突出。雞肉肉質鮮嫩，整體十分香口濃郁。
🔸Tandoori Octopus
八爪魚用炭烤過，充滿咗煙燻炭香味，肉質新鮮而且幾腍身，有別於平時食開嘅口感，幾有驚喜。
🔸Celeriac Miloni
芹菜根雜菜用左獨特香料烹調，令到雜菜有爽口口感之餘仲好開胃！
🔸Pistachio Kulfi
店員介紹呢一款係傳統印度開心果味雪糕，質感硬身唔會好甜，食到粒粒嘅開心果碎。
🔸Mango Lassi
🔸Chutney’s Ice tea
前者用芒果、乳酪同香料調製而成嘅飲品，酸酸甜甜帶點綿密嘅口感。後者清新又充滿果香味，清涼解渴✨
張貼
