La Parrilla Steakhouse

多得朋友今日lunch話帶我食好西，就去咗中環一間阿根廷扒房度食lunch set。由大館行過去超級近，入到去周圍嘅佈置好有特色有紅磚，而且好似置身於外國咁樣🇦🇷每個lunch set都有前菜加主菜加配菜同飲品，今次我哋就嗌咗兩個lunch set然後大家互相share🥳一去到就會有餐前麵包，軟熟嘅麵包配上橄欖油同埋黑醋好好味。✨Steak Tartare牛肉都尚算新鮮，配上麵包一齊食係一個幾好嘅開胃菜。✨芝士洋蔥餡餃一切出嚟真係勁多芝士拉絲，側邊仲有少少香草蕃茄粒咁食落去就唔會太過膩。✨香煎比目魚比目魚煎到外脆內軟，配上普羅旺斯雜燴蔬菜同埋羅勒葉做調味，成個感覺其實好清新。✨Flat Iron 250g呢個牛翼板肉煮到五成熟用鐵板上keep warm，不過要食快啲如果唔係就好快熟晒。超有牛肉味肉質亦都好腍，呢個部位偏瘦唔會有太多油份，但係我覺得都好好食。另外仲有六款醬俾你點，我自己最鍾意點嘅都係mustard。另外配菜我哋揀咗香蒜炸薯條同埋烤椰菜，佢係用有皮嘅炸薯條同埋炸得好香脆。