影片
更多
2025-02-25
295 瀏覽
中環有間樓上中西fusion菜餐廳何蘭正，淨係聽個名都已經feel到幾有玩味🤣如果親身拜訪過就更能感受到不論環境裝修以及菜式設計都充滿玩味特色🤪呢日同朋友再次嚟encore，佢哋嘅頭盤、主菜、甜品都會混合中西料理嘅做法，好似川味烤排骨、豬油撈飯、雞蛋仔窩夫等，化成一道道份量十足又有創意嘅料理🥳🍝白酒金不換蒜片浸紐西蘭肥青口，冰島冷煙燻三文魚片，芫茜台山蠔粒扁意粉，鰹魚忌廉汁 $178海鮮份量超多😍肥青口果真肥嘟嘟，好飽滿😛另外仲有唔少蠔粒，配以調味同硬度恰到好處嘅忌廉意粉都唔錯😚🥩三蔥煎封牛側腹肉，牛油煎靚油蝦球，九州太陽蛋配啫啫煲仔香蔥大根飯 $208一上菜就聞到勁香😻香氣加上滋滋作響嘅聲音令人食指大動🤤煲仔飯粒粒分明，香軟又帶有蔥香，側邊位仲有啲飯焦😏牛側腹肉份量多有咬口。蝦肉超大隻超爽彈。整體配搭看似大堆頭砌埋一齊，但加埋蛋汁撈勻食，各樣食材又配合得幾好😋🍨紅桑子荔枝慕絲芭菲，益力多啫喱，醬漬鮮雜莓及藍莓芝士雪糕 $88二月趁住情人佳節💘呢度就有好浪漫嘅二月限定芭菲！賣相好靚好精緻，啱晒兩人分甘同味🥰一啖過食到酸酸甜甜嘅雜莓、益力多啫喱以及紅桑子荔枝慕絲，口感豐富😋☕️冰陳皮酸啡
🍝白酒金不換蒜片浸紐西蘭肥青口，冰島冷煙燻三文魚片，芫茜台山蠔粒扁意粉，鰹魚忌廉汁 $178
海鮮份量超多😍肥青口果真肥嘟嘟，好飽滿😛另外仲有唔少蠔粒，配以調味同硬度恰到好處嘅忌廉意粉都唔錯😚
🥩三蔥煎封牛側腹肉，牛油煎靚油蝦球，九州太陽蛋配啫啫煲仔香蔥大根飯 $208
一上菜就聞到勁香😻香氣加上滋滋作響嘅聲音令人食指大動🤤煲仔飯粒粒分明，香軟又帶有蔥香，側邊位仲有啲飯焦😏牛側腹肉份量多有咬口。蝦肉超大隻超爽彈。整體配搭看似大堆頭砌埋一齊，但加埋蛋汁撈勻食，各樣食材又配合得幾好😋
🍨紅桑子荔枝慕絲芭菲，益力多啫喱，醬漬鮮雜莓及藍莓芝士雪糕 $88
二月趁住情人佳節💘呢度就有好浪漫嘅二月限定芭菲！賣相好靚好精緻，啱晒兩人分甘同味🥰一啖過食到酸酸甜甜嘅雜莓、益力多啫喱以及紅桑子荔枝慕絲，口感豐富😋
☕️冰陳皮酸啡 $58
呢度除咗大路嘅咖啡、茶、酒，仲有幾款特色Jeng系列特飲，啱晒我呢啲貪新鮮嘅人🤣陳皮酸啡有啲似espresso tonic，酸酸地好清爽，不過陳皮味可以再出啲。
☕️焦糖燕麥奶冰咖啡 $58
鍾意飲nutty少少可以叫呢個，飲到咖啡嘅烘焙香以及焦糖香，整體好rich😙
推介指數（10分為滿分）：8分
張貼
