BKK

大蝦柚子沙律沙律用上新鮮多汁柚子肉，花生碎炸乾蔥好香，醬汁用了魚露、青檸、香草，酸酸甜甜，味道非常開胃，充滿東南亞風味。蟹肉炒飯炒得乾身唔油膩，飯粒粒分明，好多蟹肉，少少青檸汁同埋佢自製嘅魚露辣汁，將佢嘅鮮味提升。炭燒雞串沙爹沙嗲花生味濃，肉調味啱啱好唔會太咸，雞肉好食夠嫩滑。香辣炒手切和牛碎拋打豬肉碎就食得多，用和牛碎就真係第一次，出嚟唔會乾柴，仲食到肉汁之餘，而且佢嘅調味恰到好處，香辣唔會搶走肉嘅鮮味，好惹味，有半生熟的煎蛋就會更出色，送飯極佳。香辣炒通菜食泰菜必叫之一，通菜炒得爽脆，而且唔會油腍腍，馬拉盞味好濃。芒果椰汁糯米飯糯米飯熱辣辣非常柔軟香口，而配上椰汁突出甜中帶咸的口感，香甜的芒果切成條狀十分清新，作爲今晚泰國菜的甜品簡直是完美。Coconut Slushie充滿夏日氣息，係一杯有芒果椰子菠蘿乳酪飲品。