龍味館

營業中

休息中

今日同朋友悠閒咁搭叮叮車周圍遊覽，途經中環南豐廣場，正好想搵一啲好食又坐得舒服嘅地方。二樓龍味館嘅環境幾好，於是決定試下。宮廷酒爵暖胃湯嘅湯羹質感滑順，幾種食材嘅味道融合得相當好，飲落去每一口都有種暖心嘅感覺。龍味點心拼盤無論係賣相定味道都非常精緻。龍蝦蝦餃嘅餡料十分豐富，蝦肉新鮮，外皮薄透，咬落去嘅口感相當好；蟹籽鮮蝦燒賣同樣唔錯，沒有一點油膩感。卡邦尼小甘筍，外皮酥脆，裡面嘅菇菌爽口，口感層次分明，令人驚喜。炭燒蜜餞黑豚肉叉燒配絲苗白飯，叉燒外面嘅蜜汁香濃，絲苗白飯吸收咗叉燒嘅醬汁，食落去非常滿足。石榴爆珠西米露口感滑溜，爆珠咬落去卜卜脆，石榴汁味道清新。龍味館嘅菜式味道唔錯，店內裝潢格調高雅，有大廳同獨立廂房，無論係朋友聚會、家庭聚餐，抑或商務應酬都非常適合！而且交通方便，樓下有大量巴士途經，2分鐘到港鐵上環E3出口。如果揸車，泊林士街停車場🅿️ OR永安中心🅿️也很近。