BKK

難得假期，今日約埋朋友黎PMQ元創方感受一下文青氣息。泊完車行到過黎已經身水身汗，即刻搵間餐廳醫左肚先。Staunton地下原來開左間泰國菜餐廳，價錢唔貴，今日就試試佢。  炭燒雞串沙嗲 ($98) 雞串好有炭香味，配上花生沙嗲醬勁惹味。  炸辣味雞翼 ($118) 三隻雞全翼勁大隻，上檯時熱辣辣勁吸引。外皮炸到脆卜卜，配埋泰式辣醬同行朋友大讚好味。  烤餅配泰式紅咖哩 ($58)  虎蝦金邊粉 ($138) Pad Thai 係我最愛嘅泰菜之一。虎蝦金邊粉未上枱已經聞到勁香，配料有芽菜、豆乾、蔥、花生粒同辣椒粉。金邊粉煙煙韌韌，虎蝦鮮甜彈牙，十分出色。  泰式和牛炒粿條 ($158) 同虎蝦金邊粉好唔同，呢個炒粿條食落甜甜地，牛肉同芥蘭苗亙雙配搭，完全無油膩感。  蟹肉奄列 ($158) 蟹肉奄列勁厚身，食落有一絲一絲嘅蟹肉，口感好豐富。