瘋狂小面 (佳德商業大廈)

營業中

休息中

最近試咗中環川菜「瘋狂小麵」嘅套餐，價錢係$109，包括麵食、飲品、小食同甜品，真係物超所值👍🏻小食涼拌木耳木耳切得啱啱好，口感爽脆，每片都醃得入味。酸甜適中，令人開胃，係開場好選擇。泡椒鳳爪酸辣味道醒神，泡椒嘅香氣滲透入鳳爪，膠質豐富，入口即化，令人欲罷不能。主菜**瘋狂牛肉麵（紅湯）** 湯底紅潤，少辣加麻既選擇令味道更有層次，牛肉味濃郁且帶少許辣。麵條有蛋香，掛湯力強，口感彈牙，真係一絕。**瘋狂大排麵（白湯）** 白湯濃郁，帶有豬骨香氣。大排非常軟嫩，輕輕一咬即化，肉質鮮美，配搭白湯一流。甜品成都老冰粉結尾來一碗冰粉，冰涼透心，冰粉勁滑，薄荷味清新，糖水少甜而不膩，為整餐劃上完美句號。