尚盛潮州海鮮飯店

今日去咗中環同朋友去食晚飯，見到呢一間新開嘅餐廳，我同朋友本身我非常鍾意食打冷，見到餐廳裝修好新好靚，所以我都決定入去試吓！入面好爆，大家如果去，記得預約左先！鹵水鵝片+白烚大墨魚：大墨魚非常有咬口，而且充滿滷水嘅味道非常鍾意。滷水墨魚係我其中一樣最鍾意食嘅潮州打冷食物，餐廳喺味道方面都做得幾好，份量都幾多！滷水鵝片就係餐廳嘅招牌菜，完全冇得輸，成個部位口感都非常好，絕對唔係頭頭尾尾，好入味，啱晒鍾意食鵝片嘅朋友！蠔仔粥(位)，蠔仔粥非常足料而且口感非常多元化，蠔仔肉非常多，再加埋肉碎，呢個潮州粥簡直非常好食，豪仔亦都非常新鮮，食到佢本身嘅鮮味，呢個價錢都唔算太貴，份量都非常多，鍾意食蠔仔粥嘅朋友可以叫！沙嗲牛河，牛肉嘅份量非常多，起碼有八件至十件，而且味道到條配得唔錯，充滿沙嗲嘅味道，同埋河粉嘅味道非常match, 河粉嘅味道亦都非常好，成個沙嗲牛河充滿鑊氣，食得出廚師嘅工㗎，配菜仲有菜心，整體呢個沙嗲牛河都係合格以上！梅菜扣肉，鍾意食梅菜扣肉嘅朋友絕對唔可以錯過呢一間餐廳嘅梅菜扣肉，佢嘅梅菜扣肉非常好食，佢嘅豬腩肉非常入味，而且每一件都非常林，再加埋本身嘅梅菜食，經典菜式冇得輸！如