影片
更多
2024-12-25
96 瀏覽
朋友介紹咗一間新開冇耐嘅清酒吧Sake Hub。真係比我哋呢啲酒鬼好大驚喜，呢度環境雖然唔大，但藏酒量超多，一列排開嘅清酒雪櫃望落好整齊，真係有品味有格調。地方暗沉得黎帶住神秘感，感覺非常唔錯。🍶我地試咗兩款清酒，首先係甘口嘅“くどき上手”純米大吟釀，特別之處係用一隻特別酵母“小川酵母”釀製，味道似青蘋果，酸酸甜甜，真係好特別！而另一款辛口嘅“磯自慢”，係純米酒，比較dry身，乾淨清爽，非常適合配搭濃味食物。講到食物，當然唔少得佢哋嘅串燒。試咗三款辣雞串燒，包括冬陰功、土匪同麻辣，每款都好惹味，辣味適中，特別突出清酒嘅清香。另外，仲試咗忌廉蟹肉餅，入口即化，蟹肉鮮甜美味。呢度唔止有好酒，仲有好多唔同嘅小食、炸物同燒鳥，可以邊食邊飲邊傾計，真係一流享受。最開心係呢度夠安靜，又冇咁嘈吵，適合同朋友慢慢傾偈。呢間酒吧真係比我哋呢啲鍾意清酒嘅人一個好好嘅體驗。 Sake Hub 📌中環擺花街18-20號嘉寶商業大廈高層地下9號舖
我地試咗兩款清酒，首先係甘口嘅“くどき上手”純米大吟釀，特別之處係用一隻特別酵母“小川酵母”釀製，味道似青蘋果，酸酸甜甜，真係好特別！而另一款辛口嘅“磯自慢”，係純米酒，比較dry身，乾淨清爽，非常適合配搭濃味食物。
講到食物，當然唔少得佢哋嘅串燒。試咗三款辣雞串燒，包括冬陰功、土匪同麻辣，每款都好惹味，辣味適中，特別突出清酒嘅清香。另外，仲試咗忌廉蟹肉餅，入口即化，蟹肉鮮甜美味。
呢度唔止有好酒，仲有好多唔同嘅小食、炸物同燒鳥，可以邊食邊飲邊傾計，真係一流享受。最開心係呢度夠安靜，又冇咁嘈吵，適合同朋友慢慢傾偈。呢間酒吧真係比我哋呢啲鍾意清酒嘅人一個好好嘅體驗。
Sake Hub
📌中環擺花街18-20號嘉寶商業大廈高層地下9號舖
張貼
