La Parrilla Steakhouse

今日返工幾辛苦，lunch想食好啲，決定去大館對面嘅La Parrilla食個好西。Lunch set都相當多選擇，而且仲包好多野食，感覺都幾抵食。我同同事一人一個Lunch set share食，餐前麵包好香，暖暖地幾鬆軟。頭盤揀左Steak Tartare, 牛肉撈左好多配料，非常開胃，點埋脆麵包食唔錯。另外再個炸餃都幾驚喜，脆餃皮包住雞肉同蕃茄，加埋蕃茄莎莎醬，幾出色。主菜要左烤雞，隻雞焗到啱啱好，好嫩滑，而個青醬都好清新，加埋檸檬汁好refreshing!長通粉都唔差，每一件通粉都掛到汁，入口微酸，食得出個汁有調較過，有唔同香料，勁好食！個餐仲有兩個side dish，揀左薯條同沙律，薯條即炸夠熱100分！而沙律個dressing都好清新，可以解膩。餐飲可以免費揀soft drinks, 除左一般大路可樂雪碧，仲可以揀tonic water或者ginger ale, 試左ginger ale覺得個淡薑味幾令人舒服，好飲！👍🏻