CHUTNEY

今天要介紹的餐廳位於中環雲咸街 ，是一家裝修得幾華麗既印度菜餐廳。店名用左Chutney，呢個詞係解印度傳統醬料，咁可以睇得出餐廳菜色會主打重香料味。另外，店內兩大個Tandoori 大窯爐，令食物煮起上黎更有印度菜既風味。今次叫左兩個lunch set，每個Lunch set 包一個前菜、主菜、飲品同甜品。前菜Tandoori Octopus 八爪魚鬚用煎炒方式煮令外層脆口感覺同更有八爪魚香味，但仍然入面肉質係唔靱。汁係有酸甜味既紅菜頭chutney，令八爪魚有酸甜既感覺。八爪魚中間配放左上香烤甜粟做擺設。Keema pav 呢個係用免治羊肉加咖哩燉製而成既菜色，再搭配薯仔絲和鵪鶉蛋既印度菜，另外再跟配麵包。咖喱羊肉啖啖肉唔羶，配上咖喱汁，留意呢個咖哩係有少少辣，不過配麵包可以中和咖喱嘅辣度。主菜Achari Beef Short Rib 菜色其實係慢煮牛肋骨加上Achari醬，呢個醬似用左芒果、醃製的洋蔥同番茄結合而成，這道菜散發好重既印度香料風味。牛肉經過慢煮，牛肋骨煮到軟稔幾不錯。Fish Mollee Curry呢個咖喱既香料味冇咁重但比較重椰香味配埋洋蔥同椰奶再加芥末而成既