CHUTNEY

琴日同同事去食印度菜，揀咗呢一間喺中環都幾出名嘅餐廳，環境裝修好雅致，採光度唔錯，成個用餐環境都幾舒服。我哋點咗幾道菜，Keema Pav擺盤好吸引。碎羊肉配埋炸薯條、鵪鶉蛋，仲有炸饅頭。食落層次好豐富，羊肉好香，又冇羶味，唔錯。Chutney Butter Chicken嘅咖喱有啲微微酸甜，質感好細膩，入面嘅黃油雞好嫩滑，雞肉吸滿曬咖喱嘅香味，無論配烤餅定係白飯都夾。Biryani Lamb嘅飯粒好分明，香料味滲曬落羊肉同飯入面，食落好香，另外佢個焗飯表面，有一層脆卜卜嘅麵包攞嚟配搭咖喱好正，記得唔好嘥。最後要提下個人好鍾意嘅Mango Lassi，芒果嘅香甜同酸奶嘅醇厚融合得啱啱好，飲落好滑，食住味道濃郁嘅印度菜，再嚟返啖呢個，好解膩。呢間店嘅菜品幾正宗，味道唔錯，下次打算再去試下其他嘢食。