芝加哥串燒酒場

食串燒嘅時候就會想飲酒，兩樣嘢簡直係絕配，嚟到蘭桂芳呢間餐廳絕對滿足到呢兩個願望。極品即燒乳豬+荔枝豚肉卷+椒鹽日本黑豚+炭燒豬頸肉 $98乳豬平時串燒鋪好少會有，脆皮肉嫩，真係絕對值得一試； 荔枝豚肉卷都係值得一讚個口感層次好豐富。燒豬大腸 $26燒秘制肥腸 $19個人認為燒豬大腸會比較野味啲，不過兩款嘅豬腸都處理得好好，完全冇腥味。沙爹牛肉串 $23一口和牛串 $29和牛串絕對值得encore，完全唔靭仲幾有牛味。炸活白鱔骨 $58招牌無骨白鱔串 $58蒲燒鰻魚串 $29鰻魚串正常發揮，另外兩個都力推，白鱔串做到皮脆肉嫰，而炸白鱔骨第一次食，但完全驚喜，少少似炸魚皮嘅感覺。招牌燒澳洲龍蝦 $68龍蝦加左芝士去燒，雖然細隻，但都有肉食而且完全唔會鞋口。拉絲水牛芝士 $58炸饅頭$23黑松露烤蝦多士 $42蝦多士襯熱食真係好好食，黑松露又好香，炸得好香口，讚。燒鵪鶉蛋 $22燒尖椒串 $17芝士黑松露大啡菇 $45尖椒真係超級辣，愛辣嘅朋友一定要試試，大啡菇燒完都好juicy再加埋芝士真係絕配。另外叫左1杯cocktail同埋啤酒，值得一提而家啤酒有做買一送一，勁抵飲。