影片
更多
2025-03-13
111 瀏覽
喺尖沙咀金巴利道，有間幾隱蔽嘅餐廳Path (要沿側邊扶手電梯上去)，由Chef Tony主理嘅中式fusion廚師發辦，每道菜都加入唔同嘅中式元素，再配上特別嘅調味造成，每位$1380。1. 泡芙.黃金蝦.康提起司前菜已經足夠特別，有鹹蛋黃香味嘅黃金蝦，配埋芝士同香脆嘅泡芙，第一啖已經令人食指大動。2. XO醬.帶子.西蘭花就咁睇字面唔係好明，原來佢係由紅蘿蔔造成嘅花，配上以上嘅食材。食落去會有少少辣，帶子亦切到好細，味道細緻。3. 金華鯖.車厘子,大根相當特別嘅菜式。用上車厘子同蕃茄組成嘅醬汁，其實係冇甜味，但佢有新鮮嘅酸度吊起金華鯖嘅味道，配埋切成絲狀嘅大根，相當開胃。4. 蒸蛋白.花甲.海苔油.海膽我認為全晚最出色嘅菜式。表面上平平無奇嘅蒸蛋白，喺海苔油、花甲同海膽嘅調味之下，佢嘅鮮味非常突出。特別係佢嘅海苔油，係用上泰國嘅海苔。個人食落呢度菜嘅感覺有啲似Aka Uni，非常香口。5. 馬友.陳村粉.發酵辣椒甘筍馬友嘅質感好滑，用上腰果醬調味，加上特別發酵嘅甘筍，食落去真係好夾，難怪嗰醬可以襯埋陳村粉。6. 花蟹.辣椒油.擔擔麵Chef用上類似韓國水冷麵嘅做法，將麵條做到好絲滑
1. 泡芙.黃金蝦.康提起司
前菜已經足夠特別，有鹹蛋黃香味嘅黃金蝦，配埋芝士同香脆嘅泡芙，第一啖已經令人食指大動。
2. XO醬.帶子.西蘭花
就咁睇字面唔係好明，原來佢係由紅蘿蔔造成嘅花，配上以上嘅食材。食落去會有少少辣，帶子亦切到好細，味道細緻。
3. 金華鯖.車厘子,大根
相當特別嘅菜式。用上車厘子同蕃茄組成嘅醬汁，其實係冇甜味，但佢有新鮮嘅酸度吊起金華鯖嘅味道，配埋切成絲狀嘅大根，相當開胃。
4. 蒸蛋白.花甲.海苔油.海膽
我認為全晚最出色嘅菜式。表面上平平無奇嘅蒸蛋白，喺海苔油、花甲同海膽嘅調味之下，佢嘅鮮味非常突出。特別係佢嘅海苔油，係用上泰國嘅海苔。個人食落呢度菜嘅感覺有啲似Aka Uni，非常香口。
5. 馬友.陳村粉.發酵辣椒甘筍
馬友嘅質感好滑，用上腰果醬調味，加上特別發酵嘅甘筍，食落去真係好夾，難怪嗰醬可以襯埋陳村粉。
6. 花蟹.辣椒油.擔擔麵
Chef用上類似韓國水冷麵嘅做法，將麵條做到好絲滑，撈埋特製嘅辣椒油同花蟹肉，再加上炸蒜，其實未食已經聞到好香。不過呢個要好快撈勻擺入口，否則個麵會凝固變成一嚿😆。
7. 牛奶.麻糬.番薯.生薑.芝麻
基本上就係牛奶麻糬，不過佢加入咗生薑芝麻嘅味道，同番薯嘅質感，食落味道同口感都豐富，又唔會太甜，為呢一餐做咗好好嘅完結。
Path，無論食材嘅配搭定係調味都係好特別，亦好反映中式菜嘅特色，喺佢唔同嘅菜式，亦見到佢調味嘅功夫同技巧。Chef Tony亦會同食客慢慢講解每道菜式嘅做法同特別之處，好味之餘亦可以上一堂中式烹飪課😆。
張貼
